Úr NBA í NFL

Fyrrum leikmaður í NBA-deildinni er byrjaður að æfa hjá liði í NFL-deildinni.

Hér erum við að tala um hinn 32 ára gamla Nate Robinson. Hann var valinn í nýliðavalinu árið 2005 og spilaði í ellefu ár í deildinni.

Hann lék með NY Knicks, Boston, Oklahoma, Golden State, Chicago, Denver, LA Clippers og New Orleans Pelicans. Hann spilaði með Hapoel Tel Aviv í Ísrael fyrr á árinu.

Hann mætti á æfingu hjá Seattle Seahawks í gær og vill komast að sem bakvörður hjá liðinu.

„Ég þarf að verða sterkari og fljótari. Ég er að lyfta og horfa á mikið af myndböndum. Reyna að læra bakvarðarstöðuna og ég er fljótur að læra,“ sagði Robinson.

„Stærsta áskorunin er allt fólkið sem elskar að hata. Fólkið sem afskrifar mig strax og vill ekki gefa mér tækifæri.  Ég vil sýna þessi fólki hvað ég get.“

Verður áhugavert að fylgjast með því hvernig þetta gengur hjá Robinson.