Óli Kalli fór í Blikatreyjuna | Myndband

Stjörnumaðurinn Ólafur Karl Finsen gantaðist með stuðningsmönnum Blika í kvöld.

Hann er ekki að spila með Stjörnumönnum þessa dagana eftir að hafa meiðst illa. Hann verður því að gera sér að góðu að fylgjast með úr stúkunni.

Á leiknum í kvöld sungu stuðningsmenn Blika „Óli Kalli í Breiðablik“ og Stjörnumaðurinn spilaði með og skellti sér úr Stjörnutreyjunni og fór í grænan Blikabol í staðinn.

Blikarnir höfðu gaman af þessu en spurning hvað Stjörnumönnum finnst um þennan gjörning sem þegar hefur vakið mikla athygli í netheimum.

Myndbandið af þessu má sjá hér að neðan.

Óli Kalli í Breiðablik/Kópacaban #fotboltinet #staðfest @olikalli17 pic.twitter.com/7qmcGOwcuw

— Kópacabana (@KopacabanaKp) May 30, 2016