Auglýsingar á leið á NBA-búningana

Eigendur félaga í NBA-deildinni munu líklega samþykkja í vikunni að leyfa auglýsingar á búningum liða deildarinnar.

Þetta eru mikil tíðindi enda hafa auglýsingar aldrei verið leyfðar á búningunum. Þetta mál hefur þó verið í umræðunni síðustu ár.

NBA steig skref í þessa átt í vetur er þeir settu eina auglýsingu á búningana í Stjörnuleiknum.

Hér er samt ekki verið að tala um stórar auglýsingar á maga leikmanna heldur verður þetta lítil auglýsing á vinstri öxl búninganna. Eitt skref í einu.

Atkvæðagreiðsla um málið fer fram síðar í vikunni.