Íslenski búningurinn fyrir neðan miðju í kosningu Sky Sports

Nú þegar öll liðin sem keppa á EM 2016 í sumar hafa kynnt nýju búninga sína hefur fréttavefur Sky Sports beðið lesendur sína um að gefa þeim einkunn.

Þegar þessi orð eru rituð er íslenski búningurinn í fjórtánda sæti en hann er sá eini sem Errea framleiðir.

Sjá einnig: Þetta er búningurinn sem strákarnir okkar klæðast á EM í sumar

Það vekur athygli að Nike-búningar raða sér í efstu fimm sætin. Franski búningurinn þykir sá fallegasti en á eftir koma Króatía, Tyrkland, Pólland og Portúgal.

Sjötti og síðasti Nike-búningurinn, sá enski, er í tólfta sæti.

Almennt virðist vera lítil hrifning á þeim landsliðsbúningum sem Adidas framleiðir.

Smelltu hér til að skoða niðurstöðu kosninganna og taka þátt í henni.