Fólkið sem myndi fylgja Donald Trump í Hvíta húsið

Góðar líkur eru á að bandaríski auðjöfurinn Donald Trump verði tilnefndur forsetaframbjóðandi Repúblikanaflokksins í júlí. Því er ekki seinna vænna að kynnast fjölskyldu hans, enda möguleiki á að hann verði kjörinn forseti Bandaríkjanna í forsetakosningunum í nóvember.

Í frétt Guardian segir að þrátt fyrir að hafa verið áberandi í viðskiptalífinu síðustu fjóra áratugina og mikið hafi verið fjallað um hjónabönd hans og ástarfundi þá er tiltölulega lítið vitað um fjölskyldu hans.

Trump hefur þrívegis gengið í hjónaband og á fimm börn. Þó að ólíklegt hljóti að teljast að fyrrverandi eiginkonur og uppkomin börn myndu fylgja „Trump forseta“ inn í Hvíta húsið þá er fylgir hér er kynning á fólki frambjóðandans umdeilda.

Ivana Trump, 66 ára

Ivana fæddist í Tékkóslóvakíu og gerði garðinn frægan sem skíðakona áður en hún hóf störf sem fyrirsæta. Ivana Zelnickova kynntist fasteignamógúlnum Trump í New York og giftist honum árið 1977.

Ivana og Donald eiga saman þrjú börn, Donald yngri, Ivanka og Eric Frederick en þau slitu samvistum í lok níunda áratugsins. Háværar sögusagnir voru þá uppi um að Donald hafi átt í ástarsambandi við fyrirtæstuna og leikkonuna Marla Maples.

Ivana gekk á þau Marla og Donald í Aspen í Colorado-ríki árið 1990 og skildu þau Ivana og Donald tveimur árum síðar.

Donald yngri, 37 ára

Donald yngri gegnir stöðu aðstoðarvaraforseta Trump-samsteypunnar.

Hann er kvæntur hinni 38 ára Vanessa Haydon, töskuhönnuðar og fyrrverandi tennisspilara, og eiga þau saman fimm börn.

Ivanka, 34 ára

Ivanka hefur starfað sem fyrirsæta, hönnuður og rithöfundur og gegnir, líkt og bróðir hennar, stöðu aðstoðarvaraforseta Trump samsteypunnar þar sem hún heldur utan um þróun og aðföng.

Hún er áberandi á samfélagsmiðlum og er með um 1,8 milljónir fylgjenda á Twitter.

Hún snerist til gyðingdóms árið 2009 og giftist bandaríska fjárfestinum Jared Kushner fyrir tíu árum.

Þau eiga saman tvö börn og eiga nú von á því þriðja.

Ending an exciting day with my siblings at the Airport Diner! #nh @erictrump @donaldjtrumpjr @laraleatrump

A photo posted by Ivanka Trump (@ivankatrump) on Feb 9, 2016 at 3:35pm PST

Eric Frederic, 32 ára

Eric Frederic gegnir líkt og eldri systkini sín embætti aðstoðarvaraforseta hjá Trump samsteypunni.

Hann hefur mikið verið gagnrýndur fyrir að skjóta dýr í útrýmingarhættu á ferðum sínum til Afríku.

Hann giftist hinni 33 ára Lara Unaska fyrir tveimur árum á landi föður síns í Palm Strings í Flórída.

Marla Maples, 52 ára

Marla Maples, réttu nafni Cuhutta Georgia, gekk að eiga Donald árið 1993. Þau eiga saman dótturina Tiffany en skildu árið 1999.

Marla hefur birtst í nokkrum kvikmyndum, meðal annars Maximum Overdrive árið 1986 sem byggir á sögu Stephen King. Þá fór hún með hlutverk í kvöldmyndunum Executive Decision frá árinu 1996 og Happiness tveimur árum síðar,

Fyrir tveimur árum gaf hún út plötuna The Endless.

Hún segist enn vera náin Trump og börnunum. „Við horfum á The Apprentice og ég fer að gráta þegar ég sé krakkana í þættinum.“

Tiffany, 22 ára

Tiffany hefur verið lítið áberandi í fjölmiðlum, en í frétt Guardian kemur fram að hún stundi nú nám í University of Pennsylvania og er búist við að hún klári í vor. Hún heldur mikið upp á tónlistarmanninn Jason Derulo.

Hún stundaði nýlega starfsnám hjá tímaritinu Vogue, en árið 2011 gaf hún út lagið Like a Bird með þeim $pr!te and Logiq.

Melania, 45 ára

Fyrirsætan Melania Knauss fæddist í Slóveníu árið 1970 og gekk að eiga Donald árið 2005.

Athygli vakti að hún klæddist brúðarkjól hönnuðum af Christian Dior, sem kostaði rúmar 100 þúsund Bandaríkjadala. Sama ár hafði hún komið fram sem brúður Frankenstein í auglýsingu tryggingafélagsins Aflac.

Melania kynnti skartgripalínu sína í ársbyrjun 2010 með QVC, ‘Melania™ Timepieces & Jewelry. Hún hefur einnig stundað nám í arkitektúr og hönnun við háskólann í Ljubljana.

Melania kemur ekki oft fram í viðtölum og lýsir New York Times henni sem „þögla makanum“ í nærmynd.

Saman eiga þau Donald soninn Barron.

Barron, 9 ára

Sonur þeirra Melania og Donald kom í heiminn í mars 2006.

Í frétt Guardian kemur fram að honum þyki gaman að spila tennis, hafnabolta, en að uppáhaldsíþrótt hans sé golf.