Umfjöllun, viðtöl og myndir: Stjarnan - Hamar 59-64 | Langþráður sigur Hvergerðinga Ingvi Þór Sæmundsson í Ásgarði skrifar 3. febrúar 2016 21:45 Hamar vann sinn annan sigur í Domino's deild kvenna í körfubolta þegar liðið bar sigurorð af Stjörnunni, 59-64, í Ásgarði í kvöld.Ernir Eyjólfsson, ljósmyndari Vísis og Fréttablaðsins, var á leiknum í kvöld og náði þessum skemmtilegu myndum hér fyrir ofan. Hamar var í vandræðum lengst af en gestirnir héldu ró sinni þrátt fyrir erfiða stöðu. Og á lokakaflanum tók liðið öll völd á vellinum og breytti stöðunni úr 57-51 í 59-64. Ótrúlegur endasprettur hjá Hvergerðingum en að sama skapi skelfilega spilað hjá Stjörnukonum. Hamar er nú kominn með fjögur stig en liðið er aðeins tveimur stigum frá Stjörnunni. Þetta eru tvö neðstu lið deildarinnar og það sást greinilega. Hittni liðanna var slök (26%-27%) og tapaðir boltar fjölmargir (47 í heildina). Stjarnan byrjaði leikinn vel og engin betur en Margrét Kara Sturludóttir en hún skoraði fimm af fyrstu níu stigum Garðbæinga og gaf auk þess tvær stoðsendingar, stal boltum og varði skot. Heimakonur komust í 13-4 og voru í raun klaufar að ná ekki meira afgerandi forskoti. Hamarskonur voru í miklum vandræðum í sókninni en liðið skoraði aðeins eina körfu í 1. leikhluta og hún kom þegar rúm mínúta var eftir af honum. Stjarnan leiddi með sjö stigum, 16-9, eftir 1. leikhluta og komst níu stigum yfir, 18-9, snemma í 2. leikhluta. Þá kom flottur 10-2 kafli hjá Hamri sem minnkaði muninn í eitt stig, 20-19. Þá setti Stjarnan mikinn ákafa í pressuvörn sína sem Hamarskonur réðu illa við. Það sást best á því að gestirnir töpuðu alls átta boltum í 2. leikhluta. Stjarnan skoraði átta stig í röð, náði níu stiga forskoti, 28-19, og virtist vera að stinga af. En Hvergerðingar gáfu sig ekki og eftir tvo þrista frá Írisi Ásgeirsdóttur og Heiðu Björg Valdimarsdóttur var munurinn allt í einu kominn niður í þrjú stig, 28-25. Sami munur var svo á liðunum í hálfleik, 29-26. Stjarnan byrjaði seinni hálfleikinn miklu betur, skoraði 11 fyrstu stig hans og náði 14 stiga forystu, 40-26. Líkt og í upphafi leiksins var Hamar í miklum vandræðum í byrjun seinni hálfleiks. Gestirnir skoruðu ekki sín fyrstu stig í 3. leikhluta fyrr en þrjár og hálf mínúta voru eftir af honum. Hvergerðingar náðu þó að minnka muninn í átta stig, 43-35, fyrir lokaleikhlutann og allt opið enn. Adrienne Godbold kom Garðbæingum 12 stigum yfir, 47-35, í upphafi 4. leikhluta og staðan orðin slæm fyrir gestina. Og þegar þrjár mínútur voru til leiksloka var munurinn sex stig, 57-51. En þá féll Stjörnuliðið hreinlega saman og Hamarsstúlkur gengu á lagið. Salbjörg Ragna Sævarsdóttir minnkaði muninn í eitt stig, 57-56, þegar hún setti niður þrist og hún kom Hamri svo í fyrsta sinn yfir, 57-58, skömmu síðar. Heiða Björg setti svo niður annan þrist og munurinn kominn upp í fjögur stig, 57-61. Hamarsstúlkur héldu haus á lokakaflanum meðan Stjarnan spilaði rassinn úr buxunum. Lokatölur 59-64, Hamri í vil. Ali Ford skoraði 28 stig fyrir Hamar, tók átta fráköst og gaf sex stoðsendingar. Hún var sérstaklega drjúg á lokakaflanum á meðan Goldbold fór í felur í Stjörnuliðinu en hún skoraði einungis tvö stig í 4. leikhluta. Íris skilaði 13 stigum og Salbjörg skoraði átta stig og tók 13 fráköst. Godbold var atkvæðamest hjá Stjörnunni með 21 stig og 18 fráköst. Margrét Kara skilaði 13 stigum, 15 fráköstum, sjö stoðsendingum og sex stolnum boltum.Baldur Ingi: Drulluðum á okkur Baldur Ingi Jónasson, þjálfari Stjörnunnar, var hundfúll með tapið fyrir Hamri í kvöld og þá sérstaklega spilamennsku Garðbæinga á lokakafla leiksins. "Við hreinlega drulluðum á okkur. Punktur," sagði Baldur ákveðinn eftir leik. "Við spilum þokkalega vörn á köflum en svo gerist það sem hefur gerst í síðustu leikjum. Við virðumst ekki hafa trú á því að við getum unnið leiki. Og það segir sig sjálft að þá vinnurðu ekki leiki." Adrienne Godbold, bandarískur leikmaður Stjörnunnar, var öflug framan af leik en skoraði aðeins tvö stig í 4. leikhluta. Baldur kennir litlu leikformi um. "Hún er ekki komin í nógu gott leikform. Það er bara þannig," sagði Baldur. Hann er ekki mikið að velta sér upp úr því að nú munar einungis tveimur stigum á Stjörnunni og Hamri. "Það skiptir kannski litlu máli úr þessu. En auðvitað vill maður vinna leiki," sagði Baldur og bætti við: "Við þurfum að gera eitthvað í þessu og vinna verulega í hausnum á okkur. Getan er til staðar en ekki trúin."Oddur: Verðlaun fyrir frammistöðuna á æfingum Oddur Benediktsson, þjálfari Hamars, var stoltur af sínu liði eftir fimm stiga endurkomusigur, 59-64, á Stjörnunni í kvöld. "Þetta var frábært. Við héldum ró okkar allan leikinn og vissum að eitthvað af þessum skotum myndi detta undir lokin," sagði Oddur í leikslok. "Við fengum galopin skot sem við settum niður. Við náðum líka að þvinga þær í marga tapaða bolta í 4. leikhluta." Stjarnan spilaði stífa pressuvörn á Hamar lengst af leiks sem Hvergerðingar leystu ekki fyrr en í lokaleikhlutanum. "Þær voru með tvær á Ali (Ford) en um leið og hún gaf boltann voru við með fjórar á þrjár og fengum galopin skot. Íslensku leikmennirnir þurftu bara að stíga upp sem og þær gerðu," sagði Oddur. "Það skiptir eiginlega engu hver leiðir, þetta snýst bara um stöðuna í lokin. Við héngum alltaf í þeim og vissum að við ættum möguleika undir lokin." Oddur segir að þessi sigur gefi Hamarsstúlkum mikið sjálftraust fyrir framhaldið. "Hann gefur okkur hellings sjálfstraust. Við höfum verið duglegar að æfa og þetta eru verðlaun fyrir það," sagði Oddur að lokum.Tweets by @Visirkarfa1 Alexandra Ford og félagar í Hamri unnu endurkomusigur í Garðabænum í kvöld.Vísir/ErnirOddur Benediktsson, þjálfari Hamars.Vísir/Ernir Dominos-deild kvenna Mest lesið „Mjög undarlegt að þessi höll standist kröfur“ Handbolti Donnarumma varði tvö víti í vítakeppninni og PSG fór áfram Fótbolti Lýsandi talaði um að Trump vildi eignast Ísland Körfubolti Uppgjörið: Grikkland - Ísland 25-34 | Sannfærandi hjá strákaunum okkar þrátt fyrir forföll Handbolti Real Madrid áfram eftir vítaspyrnukeppni Fótbolti Áhyggjufullir nágrannar hringdu í lögregluna Fótbolti Þóttist vera látinn yngri bróðir sinn Fótbolti Sjáðu tvísparkið örlagaríka í Madrídarslagnum Fótbolti Capello: Guardiola er hrokagikkur sem hefur skaðað fótboltann Enski boltinn Segir að Maradona hafi búið í hryllingshúsi síðustu ævidagana Fótbolti Fleiri fréttir „Mjög sérstakt fyrir mig að fá að þjálfa fyrsta leikinn minn á móti Benna“ Finnur Freyr: Ánægður með heilsteyptan leik okkar Jóhann Þór: Kane og Ólafur hefðu getað spilað „Við reyndum að gera alls konar“ Leik lokið: Njarðvík - Tindastóll 101-90 | Sjötti heimasigur Njarðvíkinga í röð „Vonandi lærum við af þessu“ Martin og félagar flottir í Euroleague í kvöld Uppgjörið: Álftanes - Þór Þ. 108-96 | Allir með hjá Álftanesi í sannfærandi sigri Uppgjör og viðtöl: Valur - Grindavík 99-80 | Valsmenn áttu ekki í miklum vandræðum með vængbrotna Grindvíkinga Uppgjörið: KR - Haukar 103-87 | Fallnir Haukar velgdu KR-ingum hressilega undir uggum „Algjör forsmekkur að úrslitakeppninni“ Skoraði tuttugu stig í sextugasta leiknum í röð Njarðvíkingar geta náð toppliðunum en samt ekki orðið deildarmeistarar Tinna Guðrún: Þetta er ógeðslega gaman Áttundi sigurleikur Njarðvíkurkvenna í röð Tryggvi komst í kvöld í undanúrslit Evrópubikarsins Uppgjörið: Haukar - Þór Ak. 97-73 | Haukar deildarmeistarar Lýsandi talaði um að Trump vildi eignast Ísland Þjálfari Martins látinn fjúka Uppgjörið: Tindastóll-Grindavík 88-85 | Langþráður Stólasigur „Við eigum að skammast okkar“ Stjörnukonur björguðu tímabilinu með frábærum seinni hálfleik Þjálfari Lakers æfur: „Ég veit ekki hvað við vorum að gera“ Jokic vann uppgjörið við Gilgeous-Alexander Skagamenn spila í Bónus-deildinni í glænýju íþróttahúsi Curry kominn í vinnu hjá Davidson skólanum „Af hverju ertu að sýna þetta hægt?“ LeBron frá í vikur frekar en daga Á stall með Jordan eftir frammistöðu kvöldsins Tatum lækkaði rostann í Lakers og James meiddist Sjá meira
Hamar vann sinn annan sigur í Domino's deild kvenna í körfubolta þegar liðið bar sigurorð af Stjörnunni, 59-64, í Ásgarði í kvöld.Ernir Eyjólfsson, ljósmyndari Vísis og Fréttablaðsins, var á leiknum í kvöld og náði þessum skemmtilegu myndum hér fyrir ofan. Hamar var í vandræðum lengst af en gestirnir héldu ró sinni þrátt fyrir erfiða stöðu. Og á lokakaflanum tók liðið öll völd á vellinum og breytti stöðunni úr 57-51 í 59-64. Ótrúlegur endasprettur hjá Hvergerðingum en að sama skapi skelfilega spilað hjá Stjörnukonum. Hamar er nú kominn með fjögur stig en liðið er aðeins tveimur stigum frá Stjörnunni. Þetta eru tvö neðstu lið deildarinnar og það sást greinilega. Hittni liðanna var slök (26%-27%) og tapaðir boltar fjölmargir (47 í heildina). Stjarnan byrjaði leikinn vel og engin betur en Margrét Kara Sturludóttir en hún skoraði fimm af fyrstu níu stigum Garðbæinga og gaf auk þess tvær stoðsendingar, stal boltum og varði skot. Heimakonur komust í 13-4 og voru í raun klaufar að ná ekki meira afgerandi forskoti. Hamarskonur voru í miklum vandræðum í sókninni en liðið skoraði aðeins eina körfu í 1. leikhluta og hún kom þegar rúm mínúta var eftir af honum. Stjarnan leiddi með sjö stigum, 16-9, eftir 1. leikhluta og komst níu stigum yfir, 18-9, snemma í 2. leikhluta. Þá kom flottur 10-2 kafli hjá Hamri sem minnkaði muninn í eitt stig, 20-19. Þá setti Stjarnan mikinn ákafa í pressuvörn sína sem Hamarskonur réðu illa við. Það sást best á því að gestirnir töpuðu alls átta boltum í 2. leikhluta. Stjarnan skoraði átta stig í röð, náði níu stiga forskoti, 28-19, og virtist vera að stinga af. En Hvergerðingar gáfu sig ekki og eftir tvo þrista frá Írisi Ásgeirsdóttur og Heiðu Björg Valdimarsdóttur var munurinn allt í einu kominn niður í þrjú stig, 28-25. Sami munur var svo á liðunum í hálfleik, 29-26. Stjarnan byrjaði seinni hálfleikinn miklu betur, skoraði 11 fyrstu stig hans og náði 14 stiga forystu, 40-26. Líkt og í upphafi leiksins var Hamar í miklum vandræðum í byrjun seinni hálfleiks. Gestirnir skoruðu ekki sín fyrstu stig í 3. leikhluta fyrr en þrjár og hálf mínúta voru eftir af honum. Hvergerðingar náðu þó að minnka muninn í átta stig, 43-35, fyrir lokaleikhlutann og allt opið enn. Adrienne Godbold kom Garðbæingum 12 stigum yfir, 47-35, í upphafi 4. leikhluta og staðan orðin slæm fyrir gestina. Og þegar þrjár mínútur voru til leiksloka var munurinn sex stig, 57-51. En þá féll Stjörnuliðið hreinlega saman og Hamarsstúlkur gengu á lagið. Salbjörg Ragna Sævarsdóttir minnkaði muninn í eitt stig, 57-56, þegar hún setti niður þrist og hún kom Hamri svo í fyrsta sinn yfir, 57-58, skömmu síðar. Heiða Björg setti svo niður annan þrist og munurinn kominn upp í fjögur stig, 57-61. Hamarsstúlkur héldu haus á lokakaflanum meðan Stjarnan spilaði rassinn úr buxunum. Lokatölur 59-64, Hamri í vil. Ali Ford skoraði 28 stig fyrir Hamar, tók átta fráköst og gaf sex stoðsendingar. Hún var sérstaklega drjúg á lokakaflanum á meðan Goldbold fór í felur í Stjörnuliðinu en hún skoraði einungis tvö stig í 4. leikhluta. Íris skilaði 13 stigum og Salbjörg skoraði átta stig og tók 13 fráköst. Godbold var atkvæðamest hjá Stjörnunni með 21 stig og 18 fráköst. Margrét Kara skilaði 13 stigum, 15 fráköstum, sjö stoðsendingum og sex stolnum boltum.Baldur Ingi: Drulluðum á okkur Baldur Ingi Jónasson, þjálfari Stjörnunnar, var hundfúll með tapið fyrir Hamri í kvöld og þá sérstaklega spilamennsku Garðbæinga á lokakafla leiksins. "Við hreinlega drulluðum á okkur. Punktur," sagði Baldur ákveðinn eftir leik. "Við spilum þokkalega vörn á köflum en svo gerist það sem hefur gerst í síðustu leikjum. Við virðumst ekki hafa trú á því að við getum unnið leiki. Og það segir sig sjálft að þá vinnurðu ekki leiki." Adrienne Godbold, bandarískur leikmaður Stjörnunnar, var öflug framan af leik en skoraði aðeins tvö stig í 4. leikhluta. Baldur kennir litlu leikformi um. "Hún er ekki komin í nógu gott leikform. Það er bara þannig," sagði Baldur. Hann er ekki mikið að velta sér upp úr því að nú munar einungis tveimur stigum á Stjörnunni og Hamri. "Það skiptir kannski litlu máli úr þessu. En auðvitað vill maður vinna leiki," sagði Baldur og bætti við: "Við þurfum að gera eitthvað í þessu og vinna verulega í hausnum á okkur. Getan er til staðar en ekki trúin."Oddur: Verðlaun fyrir frammistöðuna á æfingum Oddur Benediktsson, þjálfari Hamars, var stoltur af sínu liði eftir fimm stiga endurkomusigur, 59-64, á Stjörnunni í kvöld. "Þetta var frábært. Við héldum ró okkar allan leikinn og vissum að eitthvað af þessum skotum myndi detta undir lokin," sagði Oddur í leikslok. "Við fengum galopin skot sem við settum niður. Við náðum líka að þvinga þær í marga tapaða bolta í 4. leikhluta." Stjarnan spilaði stífa pressuvörn á Hamar lengst af leiks sem Hvergerðingar leystu ekki fyrr en í lokaleikhlutanum. "Þær voru með tvær á Ali (Ford) en um leið og hún gaf boltann voru við með fjórar á þrjár og fengum galopin skot. Íslensku leikmennirnir þurftu bara að stíga upp sem og þær gerðu," sagði Oddur. "Það skiptir eiginlega engu hver leiðir, þetta snýst bara um stöðuna í lokin. Við héngum alltaf í þeim og vissum að við ættum möguleika undir lokin." Oddur segir að þessi sigur gefi Hamarsstúlkum mikið sjálftraust fyrir framhaldið. "Hann gefur okkur hellings sjálfstraust. Við höfum verið duglegar að æfa og þetta eru verðlaun fyrir það," sagði Oddur að lokum.Tweets by @Visirkarfa1 Alexandra Ford og félagar í Hamri unnu endurkomusigur í Garðabænum í kvöld.Vísir/ErnirOddur Benediktsson, þjálfari Hamars.Vísir/Ernir
Dominos-deild kvenna Mest lesið „Mjög undarlegt að þessi höll standist kröfur“ Handbolti Donnarumma varði tvö víti í vítakeppninni og PSG fór áfram Fótbolti Lýsandi talaði um að Trump vildi eignast Ísland Körfubolti Uppgjörið: Grikkland - Ísland 25-34 | Sannfærandi hjá strákaunum okkar þrátt fyrir forföll Handbolti Real Madrid áfram eftir vítaspyrnukeppni Fótbolti Áhyggjufullir nágrannar hringdu í lögregluna Fótbolti Þóttist vera látinn yngri bróðir sinn Fótbolti Sjáðu tvísparkið örlagaríka í Madrídarslagnum Fótbolti Capello: Guardiola er hrokagikkur sem hefur skaðað fótboltann Enski boltinn Segir að Maradona hafi búið í hryllingshúsi síðustu ævidagana Fótbolti Fleiri fréttir „Mjög sérstakt fyrir mig að fá að þjálfa fyrsta leikinn minn á móti Benna“ Finnur Freyr: Ánægður með heilsteyptan leik okkar Jóhann Þór: Kane og Ólafur hefðu getað spilað „Við reyndum að gera alls konar“ Leik lokið: Njarðvík - Tindastóll 101-90 | Sjötti heimasigur Njarðvíkinga í röð „Vonandi lærum við af þessu“ Martin og félagar flottir í Euroleague í kvöld Uppgjörið: Álftanes - Þór Þ. 108-96 | Allir með hjá Álftanesi í sannfærandi sigri Uppgjör og viðtöl: Valur - Grindavík 99-80 | Valsmenn áttu ekki í miklum vandræðum með vængbrotna Grindvíkinga Uppgjörið: KR - Haukar 103-87 | Fallnir Haukar velgdu KR-ingum hressilega undir uggum „Algjör forsmekkur að úrslitakeppninni“ Skoraði tuttugu stig í sextugasta leiknum í röð Njarðvíkingar geta náð toppliðunum en samt ekki orðið deildarmeistarar Tinna Guðrún: Þetta er ógeðslega gaman Áttundi sigurleikur Njarðvíkurkvenna í röð Tryggvi komst í kvöld í undanúrslit Evrópubikarsins Uppgjörið: Haukar - Þór Ak. 97-73 | Haukar deildarmeistarar Lýsandi talaði um að Trump vildi eignast Ísland Þjálfari Martins látinn fjúka Uppgjörið: Tindastóll-Grindavík 88-85 | Langþráður Stólasigur „Við eigum að skammast okkar“ Stjörnukonur björguðu tímabilinu með frábærum seinni hálfleik Þjálfari Lakers æfur: „Ég veit ekki hvað við vorum að gera“ Jokic vann uppgjörið við Gilgeous-Alexander Skagamenn spila í Bónus-deildinni í glænýju íþróttahúsi Curry kominn í vinnu hjá Davidson skólanum „Af hverju ertu að sýna þetta hægt?“ LeBron frá í vikur frekar en daga Á stall með Jordan eftir frammistöðu kvöldsins Tatum lækkaði rostann í Lakers og James meiddist Sjá meira
Uppgjörið: Grikkland - Ísland 25-34 | Sannfærandi hjá strákaunum okkar þrátt fyrir forföll Handbolti
Uppgjör og viðtöl: Valur - Grindavík 99-80 | Valsmenn áttu ekki í miklum vandræðum með vængbrotna Grindvíkinga
Uppgjörið: Grikkland - Ísland 25-34 | Sannfærandi hjá strákaunum okkar þrátt fyrir forföll Handbolti