Skagamenn settu sex á Stjörnuna

ÍA endaði í þriðja sæti á Fótbolti.net-mótinu í knattspyrnu eftir 6-1 stórsigur á Stjörnunni en leikurinn fór fram á Samsung-vellinum í Garðabæ í kvöld. Steinar Þorsteinsson skoraði þrennu fyrir ÍA.

Jeppe Hansen kom Stjörnunni yfir á átjándu mínútu en Hallur Flosason jafnaði metin fyrir ÍA aðeins tveimur mínútum síðar.

Arnar Már Guðjónsson og Steinar bættu við tveimur mörkum í lok fyrri hálfleiks og Skagamenn gerðu út um leikinn með þremur mörkum í síðari hálfleik. Arnar Már bætti við einu og Steinar tveimur, því seinna úr víti.

Upplýsingar um markaskorara frá Fótbolti.net.