Festi lögreglubílinn í stórgrýti Gunnþóra Gunnarsdóttir skrifar 22. mars 2015 10:30 „Þó að ég sé Skagfirðingur og helmingurinn af karlakórnum Heimi sé skyldur mér þá fékk ég enga sönghæfileika í arf, því miður,“ segir Vilhjálmur. Vísir/Vilhelm Vilhjálmur Árnason var farinn að skipta sér af pólitík strax sjö ára gamall en átti aldrei von á að komast sjálfur á þing. Honum finnst heillandi að vera í samskiptum við fólk um allt land, jafnvel þótt það skammi hann fyrir þrasið á þinginu. Væri einhversstaðar hægt læra að verða alþingismaður? Lífsins skóli er líklega besta námið fyrir þingstörfin en allir eru jafn hæfir til að sitja á Alþingi. Í starfi mínu sem lögreglumaður hef ég lært mikið um samfélagið og fjölbreytileika lífsins. Einhvern gæti kannski vantað smá sjálfstraust til að láta skoðanir sínar í ljós og þá gæti sjálfstyrkingarnámskeið verið kjörið fyrir þá.Hvernig kanntu við þig í embættinu? Ég kann mjög vel við mig í embætti alþingismanns, enda er það fjölbreytt og gefandi starf. Engir tveir dagar eru eins sem getur verið kostur og galli. Stundum er dagskrá dagsins öll komin úr skorðum fyrir hádegi. Ég hef alltaf verið mjög virkur í félagsstörfum, innan íþrótta, skóla og vinnu. Það er því gaman að fá að vinna við áhugamálið sitt.Dreymdi þig um þingmennsku þegar þú varst unglingur? Já ég hugsa það. Ég hafði fljótt mikinn áhuga á stjórnmálum og þótti þingmennskan spennandi, var virkur í öllum kosningum en átti aldrei von á að ég ætti möguleika á að komast þangað sjálfur. Ég man þegar ég var sjö eða átta ára var skrifað niður á kjörstöðum hverjir hefðu kosið. Ég fór með reglulegu millibili á kjörstaðinn og sótti listann og dreifði á kosningaskrifstofur allra flokka. Vilhjálmur og Sigurlaug Pétursdóttir á þjóðhátíð í Eyjum.Hvað er mest heillandi við starfið? Að fá að vera í samskiptum við fólk um allt land og kynnst fólkinu, verkefnunum sem það fæst við og leggja því lið við að bæta samfélagið. Það er svo gaman að fara um landið í heimsókn á fjölbreytta staði, hitta fólk og heyra hvað það hefur að segja. Það eru svo margir að vinna að fullt af flottum verkefnum sem þeir vilja kynna fyrir okkur þingmönnum og svo eru aðrir sem hundskamma okkur fyrir þrasið á þinginu og það er líka gaman að eiga þau samskipti.Hvað kom þér mest á óvart á þinginu? Hvað þingmenn eru góðir vinir þrátt fyrir að hafa tekist hart á í þingsal nokkrum mínútum áður. Maður á marga góða vini úr flestum hinna þingflokkanna. Einnig kom það mikið á óvart hvað mikið óskipulag getur verið í annars miklu skipulagi og hvað tíminn er oft illa nýttur.Taka þingmenn stundum lagið, til dæmis afmælissönginn? Já andinn er góður í þinginu og afmælissöngurinn er tekinn ef tækifæri gefst. En þó ég sé Skagfirðingur og helmingurinn af karlakórnum Heimi sé skyldur mér þá fékk ég enga sönghæfileika í arf, því miður.Patrekur Árni, Andri Steinn og Pétur Þór í bólinu hjá pabba.Áttu þér eftirlætis stað á Íslandi? Skagafjörðurinn þegar kvöldsólin sest. Þegar ég var í sveit á Mannskaðahóli vaknaði ég alla morgna og sá Drangey, Málmey og Þórðarhöfða út um gluggann, þá þurfti ekkert málverk. Einnig líður mér alltaf eins og heima hjá mér þegar ég kem til Vestmannaeyja, bæði umhverfið og fólkið sér til þess.Hefurðu migið í saltan sjó? Nei ég get ekki sagt það, en hef unnið aðeins í fiskvinnslu. Ég var í sveit öll mín æskuár og þar var veitt mikið af silungi í net, 1100 stykki einn daginn sem var ánægjulegt þar sem því hafði verið lýst yfir áður að ég væri fiskifæla.Hlustarðu á tónlist og þá hvernig tónlist helst? Ég hlusta lítið á tónlist en hef gaman af því að fara á allskyns tónleika. Helgi Björns er í uppáhaldi.„?Já, góðan og blessaðan daginn!?Hefurðu einhverntíma komist í hann krappan og þá hvernig? Ég og félaginn minn í lögreglunni fórum á einni næturvaktinni í könnunarleiðangur eftir gömlum vegarslóða sem endaði skyndilega. Þegar við ætluðum að keyra til baka var það nánast ómögulegt og við festum lögreglubílinn í stórgrýti. Við héldum að hann yrði þar þangað til hann yrði hífður í burtu og vorum orðnir ansi fölir í framan. Eftir klukkutíma bras, örvæntingu og miklar pælingar tókst okkur að losa bílinn án skemmda á bílnum og ummerkja á náttúrunni. En hvernig það tókst veit ég ekki enn. Held að lögreglustjórinn viti ekki af þessu ennþá!Hver eru aðaláhugamálin? Ferðalög og útivist um landið okkar með fjölskyldunni. Ég æfði körfubolta á mínum yngri árum og fylgist enn vel með leikjum, þó aðallega með mínum liðum, Tindastól og Grindavík. Einnig hef ég mjög gaman að því að fara í leikhús og á tónleika. Alþingi Mest lesið Strípibúlluást sem hleypir öllu í háaloft Gagnrýni „Var mjög sár og reið út í hann þegar ég sá hann“ Lífið Tugtaður til í kaþólskum einkaskóla Lífið Rikki G á stórafmæli: „Ég er bara að fara að grenja“ Lífið Opnar umboðsskrifstofu með Gumma kíró Lífið Stórafmælið hefur afleiðingar Lífið Eftirminnilegast að hitta Loreen Lífið Versace stígur til hliðar eftir áratugastarf Tíska og hönnun Íslensku tónlistarverðlaunin: Damon Albarn lét óvænt sjá sig Tónlist Stormur fellur á prófinu Gagnrýni Fleiri fréttir Fögnuðu sigrum sínum langt fram á nótt „Magnað ég hafi lifað 22 ár án þess að fara í aðra aðgerð“ Opnar umboðsskrifstofu með Gumma kíró „Var mjög sár og reið út í hann þegar ég sá hann“ Rikki G á stórafmæli: „Ég er bara að fara að grenja“ Eftirminnilegast að hitta Loreen Tugtaður til í kaþólskum einkaskóla Tónlistarfólk hjálpar leikskólabörnum að komast á EM í skák Stórafmælið hefur afleiðingar Fimm konur í dómnefnd Ungfrú Ísland Ofurfyrirsætan opnar sig í fyrsta sinn um ástina Foreldrar mæti með lögfræðing með sér í skólann Ólsen ólsen extra: Leikurinn þróast mikið og orðinn mun hraðari Bóndinn Sigríður Hlynur missti af 350 þúsund krónum Björgunarsveitin kom Kötlu til bjargar Fögnuðu konum í ljósmyndun á alþjóðlegum baráttudegi Nagli og lætur ekki vaða yfir sig Með engan áhuga á kynlífi og vill ekki ræða það Sesarsalat takkó sem þú verður að prófa Skaust fyrr af æfingu og sótti milljónir í verðlaunafé Glæsilegir gestir á fjáröflunar-galakvöldi Ljóssins Ástin blómstrar hjá Steinunni Endurnýjuðu heitin að rússneskum sið Langaði í fleiri ævintýri og fluttu því frá Íslandi Miðpunktur kvöldsins í gegnsæjum samfestingi á árshátíð RÚV Frægasta dúkka í heimi mótaði Erlu mest Birta Líf og Gunnar Patrik eignuðust dóttur Selur íbúðina og flytur til Eyja Silfurrefurinn George Clooney á bak og burt Kviknakinn Pétur Jóhann veinaði í brasilísku vaxi Sjá meira
Vilhjálmur Árnason var farinn að skipta sér af pólitík strax sjö ára gamall en átti aldrei von á að komast sjálfur á þing. Honum finnst heillandi að vera í samskiptum við fólk um allt land, jafnvel þótt það skammi hann fyrir þrasið á þinginu. Væri einhversstaðar hægt læra að verða alþingismaður? Lífsins skóli er líklega besta námið fyrir þingstörfin en allir eru jafn hæfir til að sitja á Alþingi. Í starfi mínu sem lögreglumaður hef ég lært mikið um samfélagið og fjölbreytileika lífsins. Einhvern gæti kannski vantað smá sjálfstraust til að láta skoðanir sínar í ljós og þá gæti sjálfstyrkingarnámskeið verið kjörið fyrir þá.Hvernig kanntu við þig í embættinu? Ég kann mjög vel við mig í embætti alþingismanns, enda er það fjölbreytt og gefandi starf. Engir tveir dagar eru eins sem getur verið kostur og galli. Stundum er dagskrá dagsins öll komin úr skorðum fyrir hádegi. Ég hef alltaf verið mjög virkur í félagsstörfum, innan íþrótta, skóla og vinnu. Það er því gaman að fá að vinna við áhugamálið sitt.Dreymdi þig um þingmennsku þegar þú varst unglingur? Já ég hugsa það. Ég hafði fljótt mikinn áhuga á stjórnmálum og þótti þingmennskan spennandi, var virkur í öllum kosningum en átti aldrei von á að ég ætti möguleika á að komast þangað sjálfur. Ég man þegar ég var sjö eða átta ára var skrifað niður á kjörstöðum hverjir hefðu kosið. Ég fór með reglulegu millibili á kjörstaðinn og sótti listann og dreifði á kosningaskrifstofur allra flokka. Vilhjálmur og Sigurlaug Pétursdóttir á þjóðhátíð í Eyjum.Hvað er mest heillandi við starfið? Að fá að vera í samskiptum við fólk um allt land og kynnst fólkinu, verkefnunum sem það fæst við og leggja því lið við að bæta samfélagið. Það er svo gaman að fara um landið í heimsókn á fjölbreytta staði, hitta fólk og heyra hvað það hefur að segja. Það eru svo margir að vinna að fullt af flottum verkefnum sem þeir vilja kynna fyrir okkur þingmönnum og svo eru aðrir sem hundskamma okkur fyrir þrasið á þinginu og það er líka gaman að eiga þau samskipti.Hvað kom þér mest á óvart á þinginu? Hvað þingmenn eru góðir vinir þrátt fyrir að hafa tekist hart á í þingsal nokkrum mínútum áður. Maður á marga góða vini úr flestum hinna þingflokkanna. Einnig kom það mikið á óvart hvað mikið óskipulag getur verið í annars miklu skipulagi og hvað tíminn er oft illa nýttur.Taka þingmenn stundum lagið, til dæmis afmælissönginn? Já andinn er góður í þinginu og afmælissöngurinn er tekinn ef tækifæri gefst. En þó ég sé Skagfirðingur og helmingurinn af karlakórnum Heimi sé skyldur mér þá fékk ég enga sönghæfileika í arf, því miður.Patrekur Árni, Andri Steinn og Pétur Þór í bólinu hjá pabba.Áttu þér eftirlætis stað á Íslandi? Skagafjörðurinn þegar kvöldsólin sest. Þegar ég var í sveit á Mannskaðahóli vaknaði ég alla morgna og sá Drangey, Málmey og Þórðarhöfða út um gluggann, þá þurfti ekkert málverk. Einnig líður mér alltaf eins og heima hjá mér þegar ég kem til Vestmannaeyja, bæði umhverfið og fólkið sér til þess.Hefurðu migið í saltan sjó? Nei ég get ekki sagt það, en hef unnið aðeins í fiskvinnslu. Ég var í sveit öll mín æskuár og þar var veitt mikið af silungi í net, 1100 stykki einn daginn sem var ánægjulegt þar sem því hafði verið lýst yfir áður að ég væri fiskifæla.Hlustarðu á tónlist og þá hvernig tónlist helst? Ég hlusta lítið á tónlist en hef gaman af því að fara á allskyns tónleika. Helgi Björns er í uppáhaldi.„?Já, góðan og blessaðan daginn!?Hefurðu einhverntíma komist í hann krappan og þá hvernig? Ég og félaginn minn í lögreglunni fórum á einni næturvaktinni í könnunarleiðangur eftir gömlum vegarslóða sem endaði skyndilega. Þegar við ætluðum að keyra til baka var það nánast ómögulegt og við festum lögreglubílinn í stórgrýti. Við héldum að hann yrði þar þangað til hann yrði hífður í burtu og vorum orðnir ansi fölir í framan. Eftir klukkutíma bras, örvæntingu og miklar pælingar tókst okkur að losa bílinn án skemmda á bílnum og ummerkja á náttúrunni. En hvernig það tókst veit ég ekki enn. Held að lögreglustjórinn viti ekki af þessu ennþá!Hver eru aðaláhugamálin? Ferðalög og útivist um landið okkar með fjölskyldunni. Ég æfði körfubolta á mínum yngri árum og fylgist enn vel með leikjum, þó aðallega með mínum liðum, Tindastól og Grindavík. Einnig hef ég mjög gaman að því að fara í leikhús og á tónleika.
Alþingi Mest lesið Strípibúlluást sem hleypir öllu í háaloft Gagnrýni „Var mjög sár og reið út í hann þegar ég sá hann“ Lífið Tugtaður til í kaþólskum einkaskóla Lífið Rikki G á stórafmæli: „Ég er bara að fara að grenja“ Lífið Opnar umboðsskrifstofu með Gumma kíró Lífið Stórafmælið hefur afleiðingar Lífið Eftirminnilegast að hitta Loreen Lífið Versace stígur til hliðar eftir áratugastarf Tíska og hönnun Íslensku tónlistarverðlaunin: Damon Albarn lét óvænt sjá sig Tónlist Stormur fellur á prófinu Gagnrýni Fleiri fréttir Fögnuðu sigrum sínum langt fram á nótt „Magnað ég hafi lifað 22 ár án þess að fara í aðra aðgerð“ Opnar umboðsskrifstofu með Gumma kíró „Var mjög sár og reið út í hann þegar ég sá hann“ Rikki G á stórafmæli: „Ég er bara að fara að grenja“ Eftirminnilegast að hitta Loreen Tugtaður til í kaþólskum einkaskóla Tónlistarfólk hjálpar leikskólabörnum að komast á EM í skák Stórafmælið hefur afleiðingar Fimm konur í dómnefnd Ungfrú Ísland Ofurfyrirsætan opnar sig í fyrsta sinn um ástina Foreldrar mæti með lögfræðing með sér í skólann Ólsen ólsen extra: Leikurinn þróast mikið og orðinn mun hraðari Bóndinn Sigríður Hlynur missti af 350 þúsund krónum Björgunarsveitin kom Kötlu til bjargar Fögnuðu konum í ljósmyndun á alþjóðlegum baráttudegi Nagli og lætur ekki vaða yfir sig Með engan áhuga á kynlífi og vill ekki ræða það Sesarsalat takkó sem þú verður að prófa Skaust fyrr af æfingu og sótti milljónir í verðlaunafé Glæsilegir gestir á fjáröflunar-galakvöldi Ljóssins Ástin blómstrar hjá Steinunni Endurnýjuðu heitin að rússneskum sið Langaði í fleiri ævintýri og fluttu því frá Íslandi Miðpunktur kvöldsins í gegnsæjum samfestingi á árshátíð RÚV Frægasta dúkka í heimi mótaði Erlu mest Birta Líf og Gunnar Patrik eignuðust dóttur Selur íbúðina og flytur til Eyja Silfurrefurinn George Clooney á bak og burt Kviknakinn Pétur Jóhann veinaði í brasilísku vaxi Sjá meira