White seldi flestar vínylplötur

Önnur sólóplata Jacks White, Lazaretto, var mest selda vínylplatan í Bandaríkjunum árið 2014.

Samtals seldust 86 þúsund eintök af plötunni. Í öðru sæti var AM með The Arctic Monkeys sem seldist í 58.700 eintökum og í því þriðja var Born to Die með Lana Del Rey sem seldist í 42.100 eintökum.

Bítlarnir eru svo í fjórða sæti með Abbey Road í 38.200 eintaka sölu.

Vínylplötur seldust í yfir níu milljónum eintaka í Bandaríkjunum í fyrra, sem er sex prósent af allri sölu á tónlist í föstu formi í landinu. Þrátt fyrir að mikið hafi aukist að tónlist sé streymt á netinu hefur sala á vínylplötum aukist undanfarin ár. Á hinn bóginn hefur dregið úr sölu á stafrænu niðurhali og geisladiskum.

Topp tíu listinn

1. Jack White Lazaretto

2. The Arctic Monkeys AM

3. Lana Del Rey Born to Die

4. Bítlarnir Abbey Road

5. Bob Marley Legend

6. Black Keys Turn Blue

7. Bítlarnir Sgt. Peppers

8. Lana Del Rey Ultraviolence

9. Miles Davis Kind of Blue

10. Amy Winehouse Back to Black