Styttist í nýja plötu frá Belle

Níunda hljóðversplata Belle and Sebastian, Girls in Peacetime Want to Dance, kemur út eftir eina viku. Upptökustjóri var Ben H. Allen III, sem hefur unnið með Animal Collective og Gnarls Barkley.

Fjögur ár eru liðin síðan síðasta plata sveitarinnar kom út og nefndist hún Belle and Sebastian Write About Love.

Skoska hljómsveitin mun fylgja nýju plötunni eftir með tónleikaferð sem hefst í Cardiff í Wales, 3. maí. Sveitin er einnig væntanleg á tónlistarhátíðina All Tomorrows Parties sem verður haldin á Ásbrú í sumar.