„Ríkið okkar drepur helling af fólki líka“

Donald Trump hefur skorað á fjölmiðla í Bandaríkjunum að færa sér sönnunargögn þess efnis að Vladimír Pútín Rússlandsforseti hafi einhvern tímann fyrirskipað morð á blaðamönnum.

Hann lofaði í gær fjölmiðlafrelsið sem ríkti í Rússlandi og hét því að vinna náið með Pútín yrði hann kjörinn forseti.

Aðspurður hvort hann ætti ekki að fordæma morð á fjölmiðlamönnum sagði hann: „Ríkið okkar drepur helling af fólki líka.“

Fjölmiðlamenn hafa meðal annars bent á morðið á rannsóknar­blaðamanninum Önnu Politkovskaya árið 2006 en margir telja að rússnesk stjórnvöld hafi þar átt í hlut.