Birgir Leifur lék illa á fyrsta hring

Birgir Leifur Hafþórsson, úr GKG, byrjaði ekki vel á lokaúrtökumótinu fyrir Evrópumótaröðina í golfi, en fyrsti keppnisdagur var í dag.

Birgir lék á fjórum yfir pari eða 74 höggum talsins. Hann fékk einn fugl, þrjá skolla og þrjá skramba.

Þessi besti kylfingur Íslands í dag er í 147. sæti af 156 kylfingum, en 25 berjast um sæti á Evrópumótaröðinni. Eftir fjóra hringi af sex verður keppendum fækkað í 70 svo Birgir Leifur þarf að spila betur ætli hann sér áfram.

Birgir Leifur komst í gegnum fyrsta og annað stig úrtökumótsins, en auk Birgis voru það 42 aðrir sem komust í gegnum það stig.