Nýtt lag og myndband frá Sturlu Atlas

Sturla Atlas sendi glænýtt og funheitt lag frá sér í dag en lagið ber nafnið Snowin‘. Þetta er það fyrsta sem heyrist frá kappanum síðan EP platan Love Hurts kom út fyrr á þessu ári.

Á dögunum skrifaði Sigurbjartur Sturla, en það er maðurinn á bak við Sturla Atlas, undir samning við útgáfufyrirtækið Les Fréres Stefson sem er í eigu Retro Stefson bræðranna Unsteins Manúels og Loga Pedro.

Á döfinni eru fleiri lög en á hverjum einasta föstudegi fram að Iceland Airwaves er nýtt lag eða myndband væntanlegt frá Sturla Atlas.

Sjá má myndbandið við lagið Snowin‘ í spilaranum hér að neðan.