Gylfi Þór Sigurðsson skoraði sitt sjötta mark í undankeppni EM í jafnteflinu á móti Lettlandi um helgina og tryggði sér með því tvö met í markaskorun fyrir íslenska landsliðið í undankeppnum stórmóta.
Gylfi er nú bæði sá sem hefur skorað flest mörk í einni undankeppni EM og sá sem hefur skorað flest mörk í einni undankeppni fyrir stórmót hvort sem það er HM eða EM.
Eiður Smári Guðjohnsen, liðsfélagi Gylfa í landsliðinu, átti bæði metin fyrir þessa undankeppni síðan að hann skoraði samtals ellefu mörk í tveimur undankeppnum íslenska liðsins í upphafi tíunda áratugarins.
Gylfi fær síðan tækifæri til að eignast metið alveg einn annað kvöld þegar Ísland mætir Tyrklandi í lokaleik sínum í riðlinum.
Flest mörk fyrir íslenska karlalandsliðið í einni undankeppni:
6 mörk - Gylfi Þór Sigurðsson, EM 2016
9 leikir - 799 mínútur
Skoraði á móti Hollandi (3), Lettlandi (2) og Tyrkjum.
4 af mörkunum á Laugardalsvellinum
6 mörk - Eiður Smári Guðjohnsen, HM 2006
8 leikir - 707 mínútur
Skoraði á móti Ungverjalandi (2), Búlgaríu, Svíþjóð, Króatíu og Möltu.
5 af mörkunum á Laugardalsvellinum
5 mörk - Eiður Smári Guðjohnsen, EM 2004
8 leikir - 718 mínútur
Skoraði á móti Litháen (3), Skotlandi og Færeyjum.
2 af mörkunum á Laugardalsvellinum
4 mörk - Gylfi Þór Sigurðsson, HM 2014
11 leikir - 982 mínútur
Skoraði á móti Slóveníu (2), Albaníu og Kýpur.
1 af mörkunum á Laugardalsvellinum
4 mörk - Kolbeinn Sigþórsson, HM 2014
7 leikir - 586 mínútur
Skoraði á móti Sviss, Albaníu, Kýpur og Noregi.
2 af mörkunum á Laugardalsvellinum
3 mörk - Kolbeinn Sigþórsson, EM 2016
3 mörk - Birkir Bjarnason, HM 2014
3 mörk - Jóhann Berg Guðmundsson, Hm 2014
3 mörk - Eiður Smári Guðjohnsen, HM 2010
3 mörk - Eiður Smári Guðjohnsen, EM 2008
3 mörk - Eyjólfur Sverrisson, Hm 2002
Flest mörk í einni undankeppni EM
6 mörk - Gylfi Þór Sigurðsson, EM 2016
5 mörk - Eiður Smári Guðjohnsen, EM 2004
3 mörk - Kolbeinn Sigþórsson, EM 2016
3 mörk - Eiður Smári Guðjohnsen, EM 2008
Gylfi bætti eitt met Eiðs Smára og jafnaði annað
Tengdar fréttir
Pólland og Þýskaland á EM | Írland fer í umspilið
Pólland komst í kvöld í lokakeppni EM þriðja skiptið í röð eftir 2-1 sigur á Írlandi á heimavelli í kvöld en Robert Lewandowski skoraði sigurmark Póllands í kvöld.
Umfjöllun, viðtöl, einkunnir og myndir: Ísland - Lettland 2-2 | Stefndi í veislu en jafntefli niðurstaðan
Annan heimaleikinn í röð tókst strákunum okkar ekki að landa sigri gegn minni spámönnum.
Þjóðverjar komust inn á 24. stórmótið í röð
Heimsmeistarar Þjóðverjar tryggðu sér í kvöld sæti í úrslitakeppni Evrópumótsins í Frakklandi næsta sumar eftir 2-1 sigur á Georgíu í lokaleik sínum í undankeppninni.
Lewandowski skoraði sitt þrettánda mark og jafnaði metið
Pólverjinn Robert Lewandowski hefur verið heitasti framherji fótboltans síðustu vikur og hann var á skotskónum í kvöld þegar Pólverjar unnu 2-1 sigur á Írum.
Heimir Hallgrímsson: Skipulagið í liðinu hrundi
Landsliðsþjálfararnir hafa ekki áttað sig á því hvað varð til þess að leikur íslenska liðsins hrundi í síðari hálfleik.
Kári verður með gegn Tyrkjum
"Kári verður með. Hann lendir í höndunum á Stefáni (H. Stefánssyni, sjúkraþjálfara) og hann reddar þessu,“ sagði Heimir og upplýsti að Kári hefði fengið slink á bakið.
