Mata magnaður í sigri Manchester United | Sjáðu mörkin

Juan Mata var allt í öllu í 2-1 sigri Manchester United á Wolfsburg á heimavelli í Meistaradeild Evrópu í kvöld. Mata skoraði jöfnunarmark liðsins og lagði upp sigurmarkið í upphafi seinni hálfleiks.

Daniel Caligiuri kom Wolfsburg yfir í upphafi fyrri hálfleiks en Juan Mata náði af jafna af vítapunktinum skömmu fyrir lok fyrri hálfleiks eftir að hafa krækt sjálfur í vítaspyrnuna.

Mata lagði síðan upp sigurmarkið fyrir Chris Smalling með glæsilegri sendingu inn fyrir vörn Wolfsburg og Smalling kláraði færið vel af stuttu færi.

Wolfsburg reyndi að færa sig framar á völlinn eftir mark Smalling en án árangurs og lauk leiknum með 2-1 sigri Manchester United.

Wolfsburg er því enn án stiga í B-riðli en Manchester United er ásamt PSV með þrjú stig, þremur stigum á eftir CSKA Moskvu.