Ljótu hálfvitarnir senda frá sér nýtt lag

Hljómsveitin Ljótu hálfvitarnir hefur sent frá sér lagið Hosiló sem er af væntanlegri plötu sveitarinnar. Nýverið lögðu Ljótu hálfvitarnir undir sig Hrísey í Eyjafirði í hálfan mánuð til að semja, æfa og taka upp nýja plötu í slagtogi við upptökustjórann Flex Árnason.

Þetta verður fimmta plata drengjanna sem er væntanlega á árinu enda á aðeins eftir að leggja lokahönd á þessa plötu eftir dvölina í Hrísey.

Lagið Hosiló var gert aðgengilegt á myndbandavefnum YouTube fyrr í dag en um er að ræða textamyndband sem svipmyndum frá dvölinni í Hrísey. Þá er einnig hægt að hala laginu niður án endurgjalds með því að smella á þennan hlekk.