Luke Shaw: Ég kem sterkari til baka

Eins og greint var frá í kvöld fótbrotnaði Luke Shaw, bakvörður Manchester United, illa í leik liðsins gegn PSV Eindhoven á útivelli í Meistaradeild Evrópu í fótbolta í kvöld.

Hector Moreno, leikmaður PSV, tæklaði Shaw með þeim afleiðingum að Englendingurinn fótbrotnaði og er nokkuð ljóst að tímabilið er búið hjá honum.

Shaw var borinn af velli og er væntanlega kominn á sjúkrahús, en hann fór á Twitter liggjandi í sjúkrarúminu og þakkaði fyrir kveðjurnar á Twitter.

„Þakka ykkur öllum fyrir skilaboðin. Orð fá ekki lýst hversu dapur ég er. Leiðin að fullum bata hefst strax. Ég kem sterkari til baka,“ skrifaði Luke Shaw.

Thank you everyone for your messages , words can't describe how gutted I am , my road to recovery starts now, I will come back stronger.

— Luke Shaw (@LukeShaw23) September 15, 2015