Emil lagði upp mark Hellas | Sjáðu stoðsendinguna

Emil Hallfreðsson lagði upp mark Hellas Verona í 1-1 jafntefli gegn Roma í opnunarleik ítölsku úrvalsdeildarinnar í knattspyrnu í kvöld.

Staðan var markalaus í hálfleik, en fyrsta markið kom eftir klukkutíma leik. Emil átti þá frábæra fyrirgjöf, á Bosko Jankovic sem skoraði framhjá Wojciech Szczesny í marki Roma.

Fimm mínútum síðar jafnaði Alessandro Florenzi metin með þrumuskoti, en Alessandro er hægri bakvörður. Hann geystist upp völlinn og þrumaði boltanum fyrir utan teiginn í hornið.

Lokatölur urðu 1-1, en Emil spilaði allan leikinn fyrir Hellas. Liðin því með sitt hvort stigið eftir fyrsta leik deildarinnar.