Hörður Björgvin í viðræðum við Cesena

Hörður Björgvin Magnússon, vinstri bakvörður Juventus og íslenska landsliðsins, er í viðræðum við Cesena um að leika með félaginu annað tímabilið í röð samkvæmt heimildum íþróttadeildar 365.

Hörður sem hefur verið á mála hjá Juventus undanfarin fimm ár hefur eytt undanförnum tímabilum á láni hjá Spezia og síðast Cesena á síðasta tímabili.

Lék hann alls 12 leiki í ítölsku úrvalsdeildinni á síðasta tímabili er Cesena féll niður um deild. Hann virðist vera á leiðinni til Cesena á ný en gera má ráð fyrir að tækifæri hans yrðu af skornum skammti í herbúðum Juventus.