Tulipop bestu nýliðarnir

Íslenska barnamerkið Tulipop hlaut í vikunni viðurkenningu sem besti nýliðinn á Smallish Design Awards 2015 í Bretlandi. Verðlaunin eru ein virtustu á sviði hönnunarvara fyrir börn.

Meðal keppenda voru rjómi breskra hönnunarmerkja og stofnana. Þar á meðal Harrods, Liberty, Stella McCartney, Petit Bateau og Bonpoint. Það voru yfir 200 tilnefningar, og þess vegna er mikill heiður fyrir Tulipop að fá þessa viðurkenningu.

Tulipop er ævintýraheimur skapaður af þeim Signýju Kolbeinsdóttur og Helgu Árnadóttur sem hefur það að markmiði að búa til skapandi og fallegar vörur fyrir börn á öllum aldri. Þar má nefna lampa, ritföng, plagöt og margt margt fleira. Meðal annars settu þær á markað skólatöskulínu nýverið. 

Fyrirtækið Tulipop var stofnað í byrjun árs 2010 og er vörulínan í dag seld í fjölda fallegra verslana á Íslandi auk þess að vera til sölu í 8 löndum utan Íslands. 

Vörulína Tulipop hefur hlotið lof víða um heim og fengið alþjóðleg hönnunarverðlaun 2014 og 2015.

 

Í skólahorninu í Epal í Kringlunni má finna allt fyrir skólann ! #Skólatöskur #Leikfimipokar #Pennaveski #Nestisbox #Brúsar #Möppur og #Minnisbækur @epaldesign

A photo posted by The World of Tulipop (@tulipopworld) on Jul 30, 2015 at 3:04am PDT

Nýtt Glamour er komið í allar helstu verslanir - tryggðu þér eintak!
Fylgstu með Glamour á Instagram og á Facebook.