Nýliðarnir í annað sætið

Fjarðabyggð skaust í annað sætið í fyrstu deild karla í knattspyrnu með 2-0 sigri á Selfoss fyrir austan í dag. Leikurinn var hluti af sjöundu umferð fyrstu deildarinnar.

Varnarmaðurinn Hafþór Þrastarson kom Fjarðabyggð yfir á 37. mínútu og staðan var skyndilega orðin 2-0 þremur mínútum síðar. Þar var Nik Anthony Chamberlain á skotskónum.

Staðan 2-0 var í hálfleik, en ekkert mark var skorað í þeim síðari og lokatölur 2-0 fyrir nýliðunum í fyrstu deildinni.

Fjarðabyggð skaust með sigrinum í annað sætið, en þeir eru með fimmtán stig eftir sjö leiki. Selfoss er í sjöunda sætinu með 8 stig með mínus einn í markatölu.