Allt fyrir augabrúnirnar

Þykkar og fallegar augabrúnir hafa verið mikið í tísku undanfarin misseri og virðist sú tíska ekkert vera á undanhaldi. Það er þó því miður ekki allra að safna augabrúnum og enn færri sem eru jafn heppnir og ofurfyrirsætan Cara Delevingne sem skartar frægustu augabrúnum heims í dag.

Fyrir þær sem ekki geta safnað brúnum er nú hægt að fara í augabrúnaígræðslu hjá Dr. Keith Durante í New York. 

Eru þær mun raunverulegri en tattooveraðar brúnir og henta því vel þeim sem eiga erfitt með að safna eða hafa misst brúnirnar vegna veikinda. Verst að ígræðslan er langt frá því að vera gefins og kostar um eina milljón íslenskra króna.