Kristján Þór vann einstaklingskeppnina og Ísland liðakeppnina

Íslenska karlalandsliðið vann liðakeppnina á Smáþjóðaleikunum í golfi karla, en mótinu lauk á Korpúlfsstaðavelli í dag. Kristján Þór Einarsson vann einnig einstaklingskeppnina.

Íslenska liðið vann með miklum yfirburðum, en í liðakeppninni vann Ísland samtals með 31 höggi. Malta var í öðru sæti og Mónakó í því þriðja.

Kristján Þór Einarsson vann einstaklingskeppnina á sex höggum undir pari samtals, en hann lék lokahringinn á 77 höggum. Hann setti vallarmet í gær þegar hann lék á 64 höggum.

Haraldur Franklín Magnússon lenti í þriðja sætinu, en Andri Þór Björnsson var í fjórða sætinu.

Lokastaðan hjá efstu kylfingunum í einstaklingskeppninni:

Kristján Þór Einarsson, Ísland 278 högg (68-69-64-77) -6

Sandro Piaget, Mónakó 282 högg (73-71-66-72) -2

Haraldur Franklín Magnús, Ísland 284 högg (68-72-71-73) par

Andri Þór Björnsson, Ísland 286 högg (72-70-73-71) +2   

Kevin Rigaill Esteve, Andorra 291 högg (71-72-72-76) +7

Andrew Borg, Malta 294 högg (74-70-75-75) +10

Daniel Holland, Malta 302 högg (72-70-80-80) +18

Lokastaðan í liðakeppninni:

Ísland, 554 högg -14

Malta, 585 högg +17

Mónakó, 597 högg +29  

Andorra, 606 högg +38

San Marino, 608 högg +40  

Lúxemborg, 621 högg +53

Liechtenstein, 649 högg +81