Juventus nældi í Khedira

Þýski landsliðsmaðurinn Sami Khedira er genginn í raðir Ítalíumeistara Juventus frá Real Madrid. Khedira skrifaði undir fjögurra ára samning við Juventus.

Khedira kemur á frjálsri sölu til Juventus en samningur hans við Real Madrid rennur út um næstu mánaðarmót.

Khedira, sem er 28 ára, kom til Real Madrid frá Stuttgart eftir HM 2010 þar sem hann sló í gegn með þýska landsliðinu.

Juventus vann bæði deild og bikar á Ítalíu á nýafstöðnu tímabili, auk þess sem liðið komst í úrslitaleik Meistaradeildar Evrópu þar sem það beið lægri hlut fyrir Barcelona.

Khedira joins Juventus, agreeing a four-year contract with the club. Read more here: http://t.co/F6IkLFO2tx pic.twitter.com/bjJrhvlOuS

— JuventusFC (@juventusfcen) June 9, 2015