Pelíkanarnir ráku þjálfarann sinn

Þó svo Monty Williams hafi komið New Orleans Pelicans í úrslitakeppnina í fyrsta sinn síðan 2011 þá var hann samt rekinn.

Umdeild ákvörðun en forráðamenn félagsins hafa ekki trú á því að hann sé rétti maðurinn til þess að fara með liðið enn lengra.

Liðið hefur verið að mjakast rólega í rétta átt undir stjórn Williams en forráðamenn félagsins vilja meira.

Þeir vilja reyndari þjálfara sem er líklegri til að fara með liðið alla leið. Þjálfara sem á auðveldara með að draga til sín leikmenn.

Tom Thibodeau, þjálfari Chicago, hefur verið orðaður við starfið.