Sjáðu mörkin fimm hjá Þrótti gegn Djúpmönnum

Þróttur vann öruggan 5-0 sigur á BÍ/Bolungarvík í fyrstu deild karla í knattspyrnu í dag, en leikið var á gervigrasvellinum í Laugardal.

Mörkin komu öll á rúmum þrjátíu mínútum í fyrri hálfleik, en ekki var skorað annað mark eftir 32. mínútu.

Mark tvö var meðal annars afar skrautlegt þar sem ungur markvörður Skástriksins missti boltann afar klaufalega.

Þróttur er eftir sigurinn með sex stig eftir leikina tvo, en þeir unnu Þór einnig örugglega í fyrsta leiknum á tímabilinu.

Verr gengur hjá Djúpmönnum sem eru án stiga eftir fyrstu tvo leikina.

Myndband af öllum mörkunum má sjá hér.