Árni Björn nýr meistari Meistaradeildarinnar í hestaíþróttum

Árni Björn Pálsson afreksknapi fór með sigur af hólmi í Meistaradeild í hestaíþróttum 2015. Hann vann með yfirburðum, enginn annar knapi í deildinni komst með tærnar þar sem Árni Björn hafði hælana. Hann var jafnframt kjörinn fagmannlegasti knapinn.

Stigahæst í liðakeppninni varð lið Lýsis/Oddhóls/Þjóðolfshaga sem átti snarpan lokasprett, m.a. annars landaði Lena Zielinski sigri í keppni í slaktaumatölti á glæsihryssunni Melkorku frá Hárlaugsstöðum.

Lið Auðsholtshjáleigu var valið skemmtilegasta liðið og brostu liðsmenn sínu breiðasta á lokamótinu, ekki síst Bjarni Bjarnason sem var fljótastur í flugskeiðinu á hinni hraðskreiðu Heru frá Þóroddsstöðum.

Hápunkta lokakvöldsins, sem fram fór 10. apríl, má sjá á meðfylgjandi myndskeiði.

Slaktaumatölt úrslit

1. Lena Zielinski. Melkorka frá Hárlaugsstöðum. 8,25

2. Reynir Örn Pálmason. Greifi frá Holtsmúla. 8,12

3. Sigurður Sigurðarson. Freyþór frá Ásbrú. 7,71

Flugskeið úrslit

1. Bjarni Bjarnason. Hera frá Þóroddsstöðum. 5,97 sek

2. Davíð Jónsson. Irpa frá Borgarnesi. 6,00 sek

3. Jakob Svavar Sigurðsson. Von frá Sturlureykjum 2. 6,01 sek

Einstaklingskeppni úrslit

1 Árni Björn Pálsson	60,5
2 Ísólfur Líndal Þórisson	35
3 Sigurbjörn Bárðason	34,5

Liðakeppni úrslit

Lýsi/Oddhóll/Þjóðólfshagi	365,5
Top reiter/Sólning	347,5
Auðsholtshjáleiga	322
Árbakki/Kvistir	306
Heimahagi	289
Ganghestar/Margrétarhof	280
Gangmyllan	274
Hrímnir/Export hestar	224