Haukar skelltu toppliðinu

Haukar skelltu toppliði Snæfells í Dominos-deild kvenna í körfubolta í dag. Leikið var í Stykkishólmi en gestirnir úr Hafnarfirði unnu sjö stiga sigur, 74-67.

Leikurinn átti að fara fram í gær, en vegna óveðursins sem dundi á landann í gær var leikið í hádeginu í dag. Heimastúlkur byrjuðu betur og leiddu meðal annars í hálfleik 43-34.

Gestirnir úr Hafnarfirðinum byrjuðu þriðja leikhlutann afar vel og unnu hann 20-10 og þær því komnir yfir fyrir lokaleikhlutann, en þessi lið börðust um Íslandsmeistaratitilinn í fyrra.

Fjórði leikhlutinn var ansi fjörugur. Íslandsmeistararnir voru komnir fimm stigum yfir, 59-54, en Hafnarfjarðarliðið var ekki hætt. Þær skoruðu sautján stig gegn fjórum frá Snæfell og staðan skyndilega orðin 71-63, Haukum í vil.

Haukastúlkur héldu svo út og unnu að lokum sjö stiga sigur, 67-74. Frábær sigur á toppliðinu í Stykkishólmi.

LeLe Hardy var sem fyrr virkilega öflug hjá Haukum, en hún skoraði 33 stig, hirti 23 fráköst og gaf sex stoðsendingar.

Kristin Denise McCarthy spilaði vel í liði Snæfells, en hún skoraði 20 stig auk þess að taka 11 fráköst og gefa tvær stoðsendingar.

Snæfell heldur toppsætinu, en þær eru með 42 stig. Haukastúlkur eru í þriðja sætinu með 30 stig,en þær eru í harðri baráttu við Val og Grindavík um sæti í úrslitakeppninni.

Snæfell: Kristen Denise McCarthy 20/11 fráköst/3 varin skot, Hildur Sigurðardóttir 14/8 fráköst/7 stoðsendingar, Gunnhildur Gunnarsdóttir 11/4 fráköst, Berglind Gunnarsdóttir 7/4 fráköst, Helga Hjördís Björgvinsdóttir 5/5 fráköst, Hugrún Eva Valdimarsdóttir 4/4 fráköst, María Björnsdóttir 4, Rebekka Rán Karlsdóttir 2, Alda Leif Jónsdóttir 0, Rósa Indriðadóttir 0, Anna Soffía Lárusdóttir 0.



Haukar: LeLe Hardy 33/23 fráköst/6 stoðsendingar, Dagbjört Samúelsdóttir 13, Sólrún Inga Gísladóttir 10, Auður Íris Ólafsdóttir 7, Þóra Kristín Jónsdóttir 5, Sylvía Rún Hálfdanardóttir 5/9 fráköst, Hanna Þráinsdóttir 1, Rósa Björk Pétursdóttir 0, Rakel Rós Ágústsdóttir 0, Guðrún Ósk Ámundadóttir 0, Dýrfinna Arnardóttir 0, Magdalena Gísladóttir 0.