Tólfti sigur Cleveland í röð

Lið Cleveland Cavaliers styrkist með hverjum leik og liðið er heldur betur komið á siglingu núna.

LeBron James skoraði 23 stig í sigri á Clippers í nótt en þetta var tólfti sigur liðsins í röð. Kevin Love reif sig upp og skoraði 24 stig.

Cavs var komið með 32 stiga forskot í þriðja leikhluta og stjörnur Cleveland gátu því hvílt í fjórða leikhluta.

Þetta er lengsta sigurganga félagsins síðan 2010 og Cavaliers er komið í fyrsta sæti í sinni deild. Cleveland var sjö sigrum á eftir Chicago áður en þessi sigurhrina hófst.

Úrslit:

Charlotte-Washington  94-87

Cleveland-LA Clippers  105-94

Sacramento-Dallas  78-101

Portland-Phoenix  108-87

Staðan í NBA-deildinni.