Juventus fór illa með Emil og félaga í kvöld

Juventus er komið áfram í átta liða úrslit ítölsku bikarkeppninnar eftir 6-1 stórsigur í kvöld á Emil Hallfreðssyni og félögum hans í Hellas Verona.

Emil Hallfreðsson var í byrjunarliði Hellas Verona í leiknum og spilaði fyrstu 69 mínúturnar. Hann var tekinn af velli í stöðunni 5-1.

Sebastian Giovinco tvö mörk (6. og 45. mínúta) og Roberto Pereyra (21.mínúta) komu Juventus í 3-0 í fyrri hálfleiknum og Paul Pogba skoraði síðan fjórða markið á 53. mínútu.

Brasilíumaðurinn Nene minnkaði muninn fyrir Verona á 57. mínútu en Álvaro Morata skoraði úr vítaspyrnu á 63. mínútu og varamaðurinn Kingsley Coman skoraði síðan sjötta markið á 78. mínútu.

Juventus mætir Parma í átta liða úrslitunum en Parma sló út lið Cagliari 2-1.