Víkingur vann Bose-bikarinn

Víkingur lagði Íslandsmeistarar Stjörnunnar 3-0 í úrslitum Bose-bikarsins í Egilshöll í dag. Víkingur var 2-0 yfir í hálfleik.

Andri Rúnar Bjarnason skoraði fyrsta markið strax á fimmtu mínútu og tuttugu mínútum síðar bætti annar nýr leikmaður Víkings, Hallgrímur Mar Steingrímsson, við marki.

Andri Rúnar gerði út um leikinn á 63. mínútu en hann var að leiknum loknum valinn besti leikmaður mótsins.

Í leiknum um þriðja sætið hafði KR betur gegn Fjölni 1-0. Gary Martin skoraði sigurmarkið á 5. mínútu úr vítaspyrnu.