Lele Hardy með enn eina tvennuna - úrslit kvöldsins

Nýliðar Breiðabliks unnu sinn fyrsta sigur í Dominos-deild kvenna í körfubolta í kvöld þegar þær lögðu Hamarskonur á útivelli, 77-57.

Arielle Wideman bauð upp á þrennu fyrir Blika, en hún skoraði 17 stig, tók 13 fráköst og gaf 11 stoðsendingar.

Unnur Lára Ásgeirsdóttir hlóð í hrausta tvennu með 17 stigum og 15 fráköstum og Jóhanna Björk Sveinsdóttir skoraði einnig 17 stig og tók 6 fráköst. Andrina Rendon var stigahæst í liði Hamars með 14 stig og 10 fráköst.

Haukar unnu Grindavík með tólf stiga mun suður með sjó, 71-59, þar sem LeleHardy fór einu sinni sem oftar á kostum, en hún skoraði 22 stig og tók 17 fráköst fyrir Hauka.

Rachel Tecca var öflug í liði Grindavíkur með 22 stig og 11 fráköst en það dugði ekki til gegn sterku liði Hauka í kvöld.

Í Stykkishólmi unnu Íslandsmeistarar Snæfells fimm stiga sigur á Val, 90-85, þar sem Kristin McCarthy skoraði 27 stig og tók 8 fráköst fyrir Hólmara.

Afmælisbarnið Hildur Sigurðardóttir gaf sjálfri sér 19 stig og 7 fráköst í afmælisgjöf í liði Snæfells, en JoannaHarden var stigahæst hjá Val með 31 stig.

Loks vann Keflavík stórsigur á KR í Sláturhúsinu, 99:61.

Úrslit kvöldsins og stigaskor:

Stig Hamars: Andrina Rendon 14 (10 frák.), Salbjörg Ragna Sævarsdóttir 13, Þórunn Bjarnadóttir 10 (8 stoðs.), Katrín Eik Össurardóttir 7, Kristrún Rut Antonsdóttir 6, Heiða B. Valdimarsdóttir 4, Sóley Guðgeirsdóttir 3.

Stig Breiðabliks: Unnur Lára Ásgeirsdóttir 17 (15 frák.), Arielle Wideman 17 (13 frák., 11 stoðs.), Jóhanna Björk Sveinsdóttir 17 (11 frák., 6 stoðs.), Berglind Karen Ingvarsdóttir 9, Aníta Rún Árnadóttir 6, Kristbjörg Pálsdóttir 5, Ingunn Erla Kristjánsdóttir 4, Elín Sóley Hrafnkelsdóttir 2.

Stig Snæfells: Kristen McCarthy 27 (8 frák., 6 stoðs., 6 stolnir), Hildur Sigurdardottir 19 (7 frák., 6 stoðs.), Gunnhildur Gunnarsdóttir 15, Helga Hjördís Björgvinsdóttir 9, Hugrún Eva Valdimarsdóttir 9, Berglind Gunnarsdóttir 6, Alda Leif Jónsdóttir 3, María Björnsdóttir 2.

Stig Vals: Joanna Harden 31, Ragna Margrét Brynjarsdóttir 14, Guðbjörg Sverrisdóttir    12, Margrét Ósk Einarsdóttir 8, Ragnheiður Benónísdóttir 7 (11 frák.), Fanney Lind Guðmundsdóttir 4, Sara Diljá Sigurðardóttir 3, Sóllilja Bjarnadóttir 3, Kristrún Sigurjónsdóttir 3.

Stig Grindavíkur: Rachel Tecca 22 (11 frák.), María Ben Erlingsdóttir 10, Petrúnella Skúladóttir 9, Jeanne Lois Figeroa Sicat 8, Pálína Gunnlaugsdóttir 6, Jóhanna Rún Styrmisdóttir 2, Ingibjörg Jakobsdóttir 2.

Stig Hauka: LeLe Hardy 22 (17 frák., 9 stolnir), Sylvía Rún Hálfdanardóttir 14 (9 frák.), Inga Rún Svansdóttir 9, Guðrún Ósk Ámundadóttir 7, Auður Íris Ólafsdóttir 5, Sólrún Inga Gísladóttir 5, María Lind Sigurðardóttir 4, Dýrfinna Arnardóttir 3, Dagbjört Samúelsdóttir 2.

Tölfræði úr leik Keflavíkur og KR hefur ekki borist.