100. sigur Bayern í Meistaradeildinni

Thomas Müller tryggði Bayern München 1-0 sigur á CSKA Moskvu í fyrsta leik kvöldsins í Meistaradeild Evrópu.

Liðin leika í E-riðli og er Bayern með fullt hús stiga að loknum tveimur umferðum. Manchester City og Roma eigast við í sama riðli klukkan 18.45.

Müller skoraði eina mark leiksins úr vítaspyrnu sem var dæmd eftir að brotið hafði verið á Mario Götze. Heimamenn fengu þó ágæt færi til að skora í leiknum en nýttu þau ekki.

Þetta var 100. sigur Bayern München frá upphafi í Meistaradeild Evrópu.