Evrópumenn komu sterkir til baka eftir hádegi 26. september 2014 17:45 Stenson og Rose léku gott golf i dag. AP/Getty Að loknum fyrsta keppnisdegi í Ryder-bikarnum sem fram fer á Gleneagles í Skotlandi leiðir Evrópuliðið með fimm stigum gegn þremur hjá því bandaríska. Eftir fjórboltann í morgun leiddu Bandaríkjamenn með einu stigi en eftir hádegi í fjórmenningnum spýttu evrópsku kylfingarnir í lófana og tóku þrjú og hálft stig af fjórum mögulegum. Frammistöðu dagsins áttu þeir Henrik Stenson og Justin Rose fyrir Evrópuliðið en þeir sigruðu báða leikina sína saman nokkuð örugglega, fyrst gegn Webb Simpson og Bubba Watson en eftir hádegi lögðu þeir Zach Johnson og Hunter Mahan að velli.Rory McIlroy og Sergio Garcia eru tvær skærustu stjörnur evrópska liðsins og þeir léku saman í dag. Þeim tókst aðeins að næla í hálft stig fyrir Evrópu en það gerðu þeir með því að fá þrjá fugla á síðustu þremur holunum í seinni leik dagsins gegn Jimmy Walker og Rickie Fowler. Það má segja að nýliðarnir í Ryder-bikarnum hafi átt frábæran dag en Patrick Reed og Jordan Spieth léku mjög gott golf í morgun þegar þeir sigruðu Ian Poulter og Stephen Gallacher. Þá sigraði Jamie Donaldsson sinn fyrsta leik í Rydernum en hann og Lee Westwood léku við hvern sinn fingur gegn reynsluboltunum Matt Kuchar og Jim Furyk. Annar nýliði sem lék vel í dag var Frakkinn Victor Dubuisson en hann lék fjórmenning seinni partinn með Graeme McDowell. Þeir lögðu Phil Mickelson og Keegan Bradley að velli en McDowell hrósaði spilafélaga sínum í hástert eftir hringinn. Mikil stemning var á Gleneagles í dag og voru bæði lið vel hvött áfram af áhorfendum, þótt að stuðningurinn við það evrópska hafi verið töluvert meiri. Fyrirliði liðsins, Paul McGinley, var mjög sáttur með frammistöðu sinna manna á fyrsta degi þegar að fréttamenn náðu tali af honum. „Við vorum aðeins kærulausir í morgun en við vorum stórkostlegir í seinni leikjunum. Við gáfum Bandaríkjamönnunum þau skilaboð að við sættum okkur ekki við að vera undir með því að taka forystuna snemma í öllum leikjunum eftir hádegi og það sló þá aðeins út af laginu. Ég er gríðarlega sáttur við frammistöðuna í dag en við skulum muna að þetta er aðeins fyrsti dagur af þremur, það er mikið golf óleikið enn.“ Mest lesið Dásamar Albert og segir hann ráða hver taki vítin Fótbolti Sakaður um að öskra „Frjáls Palestína, ég vona að þið deyið“ Fótbolti Mörkin úr Bestu: Sjáðu sturlað mark Emils frá miðju og Davíð bjarga stigi Íslenski boltinn Lést 26 ára gamall eftir baráttu við áfengi og þunglyndi Sport Gaf klárum boltastrák verðlaunin Fótbolti Martröð Pogba lokið en hvað tekur við? Fótbolti „Bara lygarar og svindlarar sem segja að hann sé vandamálið“ Enski boltinn Albert skoraði sigurmarkið eftir að De Gea varði tvær vítaspyrnur Fótbolti Sögulegt augnablik James feðga: „Mun aldrei gleyma þessu“ Körfubolti Onana haldið oftast hreinu Enski boltinn Fleiri fréttir Hundur hljóp inn á og stal golfkúlu Bales Sigurður sótti silfur fyrstur Íslendinga til Makaó: „Rosalega stoltur“ Íslendingur efstur í Arkansas: „Hann er nýnemi!“ Íslenskt hugvit á að umbylta golfheiminum LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sjá meira
Að loknum fyrsta keppnisdegi í Ryder-bikarnum sem fram fer á Gleneagles í Skotlandi leiðir Evrópuliðið með fimm stigum gegn þremur hjá því bandaríska. Eftir fjórboltann í morgun leiddu Bandaríkjamenn með einu stigi en eftir hádegi í fjórmenningnum spýttu evrópsku kylfingarnir í lófana og tóku þrjú og hálft stig af fjórum mögulegum. Frammistöðu dagsins áttu þeir Henrik Stenson og Justin Rose fyrir Evrópuliðið en þeir sigruðu báða leikina sína saman nokkuð örugglega, fyrst gegn Webb Simpson og Bubba Watson en eftir hádegi lögðu þeir Zach Johnson og Hunter Mahan að velli.Rory McIlroy og Sergio Garcia eru tvær skærustu stjörnur evrópska liðsins og þeir léku saman í dag. Þeim tókst aðeins að næla í hálft stig fyrir Evrópu en það gerðu þeir með því að fá þrjá fugla á síðustu þremur holunum í seinni leik dagsins gegn Jimmy Walker og Rickie Fowler. Það má segja að nýliðarnir í Ryder-bikarnum hafi átt frábæran dag en Patrick Reed og Jordan Spieth léku mjög gott golf í morgun þegar þeir sigruðu Ian Poulter og Stephen Gallacher. Þá sigraði Jamie Donaldsson sinn fyrsta leik í Rydernum en hann og Lee Westwood léku við hvern sinn fingur gegn reynsluboltunum Matt Kuchar og Jim Furyk. Annar nýliði sem lék vel í dag var Frakkinn Victor Dubuisson en hann lék fjórmenning seinni partinn með Graeme McDowell. Þeir lögðu Phil Mickelson og Keegan Bradley að velli en McDowell hrósaði spilafélaga sínum í hástert eftir hringinn. Mikil stemning var á Gleneagles í dag og voru bæði lið vel hvött áfram af áhorfendum, þótt að stuðningurinn við það evrópska hafi verið töluvert meiri. Fyrirliði liðsins, Paul McGinley, var mjög sáttur með frammistöðu sinna manna á fyrsta degi þegar að fréttamenn náðu tali af honum. „Við vorum aðeins kærulausir í morgun en við vorum stórkostlegir í seinni leikjunum. Við gáfum Bandaríkjamönnunum þau skilaboð að við sættum okkur ekki við að vera undir með því að taka forystuna snemma í öllum leikjunum eftir hádegi og það sló þá aðeins út af laginu. Ég er gríðarlega sáttur við frammistöðuna í dag en við skulum muna að þetta er aðeins fyrsti dagur af þremur, það er mikið golf óleikið enn.“
Mest lesið Dásamar Albert og segir hann ráða hver taki vítin Fótbolti Sakaður um að öskra „Frjáls Palestína, ég vona að þið deyið“ Fótbolti Mörkin úr Bestu: Sjáðu sturlað mark Emils frá miðju og Davíð bjarga stigi Íslenski boltinn Lést 26 ára gamall eftir baráttu við áfengi og þunglyndi Sport Gaf klárum boltastrák verðlaunin Fótbolti Martröð Pogba lokið en hvað tekur við? Fótbolti „Bara lygarar og svindlarar sem segja að hann sé vandamálið“ Enski boltinn Albert skoraði sigurmarkið eftir að De Gea varði tvær vítaspyrnur Fótbolti Sögulegt augnablik James feðga: „Mun aldrei gleyma þessu“ Körfubolti Onana haldið oftast hreinu Enski boltinn Fleiri fréttir Hundur hljóp inn á og stal golfkúlu Bales Sigurður sótti silfur fyrstur Íslendinga til Makaó: „Rosalega stoltur“ Íslendingur efstur í Arkansas: „Hann er nýnemi!“ Íslenskt hugvit á að umbylta golfheiminum LIV-kylfingar mega áfram taka þátt í Ryder-bikarnum og PGA-meistaramótinu Guðrún Brá í góðri stöðu eftir sinn besta árangur Berbrjósta kylfusveinar fagna sigri á kvennagolfmóti Tiger í enn eina bakaðgerðina Perla keppti með þeim bestu í Solheim-bikar ungmenna Íslenskum kylfingum fjölgaði um tvö þúsund Setti soninn sinn ofan í bikarinn Gagnrýndi mótafyrirkomulagið en vann síðan 3,5 milljarða Náði lengsta pútti sögunnar Sjá meira