BÍ/Bolungarvík skellti KV

BÍ/Bolungarvík vann KV í fallbaráttuslag í fyrstu deild karla í dag. Leikið var á Gervigrasvellinum í Laugardal.

Andri Rúnar Bjarnason kom gestunum yfir strax á sjöundu mínútu leiksins og Orlando Esteban Bayona tvöfaldaði forystuna eftir ævintýralegan varnarleik Vesturbæjarliðsins.

Í síðari hálfleik bætti Orlando Esteban Bayona við öðru marki sínu og þriðja marki BÍ og úrslitin ráðin.

Með sigrinum fer Skástrikið upp að hlið KV í níunda til tíunda sæti deildarinnar en bæði lið eru með sautján stig. Grindavík er í því ellefta, en þeir eiga leik gegn Víking frá Ólafsvík í dag.