Anton og Jónas dæma | Miðasalan opnar klukkan 18.00

Spennustigið í oddaleik kvöldsins á milli Hauka og ÍBV verður örugglega hátt og því veitir ekki af að vera með besta dómarapar landsins á leiknum.

Það verða þeir Anton Gylfi Pálsson og Jónas Elíasson sem dæma leikinn. Okkar besta par og þeir félagar þekkja það vel að dæma stórleiki.

Eftirlitsmaður leiksins er síðan Guðjón L. Sigurðsson, formaður dómaranefndar. Það er öllu tjaldað í þennan stóra leik.

Miðar rokseldust í forsölu í gær og þrátt fyrir smá misskilning að Ásvöllum eru allir kátir í dag.

Þeir sem eiga eftir að næla sér í miða geta gert það í íþróttahúsinu að Ásvöllum klukkan 18.00 en þá opnar miðasalan á leikinn.

Ef vel er þjappað ættu allt að 2.200 manns að komast í húsið í kvöld.