Handbolti

Al­dís Ásta fagnaði sigri í Íslendingaslagnum

Ingvi Þór Sæmundsson skrifar
Aldís Ásta Heimisdóttir átti góðan leik fyrir Skara gegn Kristianstad.
Aldís Ásta Heimisdóttir átti góðan leik fyrir Skara gegn Kristianstad. vísir/hulda margrét

Skara vann fimm marka sigur á Kristianstad, 24-29, í sænsku úrvalsdeildinni í handbolta í kvöld. Tíu íslensk mörk litu dagsins ljós í leiknum.

Aldís Ásta Heimisdóttir skoraði fjögur mörk fyrir Skara sem vann sinn fyrsta sigur í fimm leikjum. Liðið er í 7. sæti deildarinnar með fimm stig, einu stigi meira og einu sæti ofar en Kristianstad sem hefur tapað þremur leikjum í röð.

Jóhanna Margrét Sigurðardóttir var markahæst í liði Kristianstad með sex mörk. Berta Rut Harðardóttir var ekki á meðal markaskorara.

Í þýsku úrvalsdeildinni vann Íslendingalið Blomberg-Lippe sinn þriðja leik í röð þegar það lagði Bensheim/Auerbach að velli, 28-24.

Díana Dögg Magnúsdóttir skoraði fjögur mörk fyrir Blomberg-Lippe og Andrea Jacobsen tvö. Liðið er í 4. sæti deildarinnar með átta stig eftir sex leiki.

Sænski handboltinn Þýski handboltinn

Mest lesið


Fleiri fréttir

Sjá meira


×

Mest lesið