Emil og félagar sigruðu Atalanta

Emil Hallfreðsson var að vanda í byrjunarliði Hellas Verona í 2-1 sigri á Atalanta í ítölsku úrvalsdeildinni í dag. Með sigrinum skýst Verona upp fyrir Atalanta í tíunda sæti ítölsku deildarinnar.

Emil sem byrjaði inn á miðri miðjunni spilaði allar 90 mínútur leiksins. Verona situr í tíunda sæti með 49 stig eftir 34 leiki, aðeins tveimur stigum á eftir AC Milan í sjötta sæti.

Birkir Bjarnason var í byrjunarliði Sampdoria í 1-2 tapi gegn Catania á útivelli. Birkir sem hefur ekki spilað mikið undanfarið var í byrjunarliði Sampdoria en var tekinn af velli þegar korter var til leiksloka. Sampdoria situr öruggt um miðja deild þegar fjórir leikir eru eftir með 41 stig.

AC Milan heldur í veika von um sæti í Evrópudeildinni á næsta ári eftir 3-0 sigur á Livorno á San Siro. Milan hefur unnið fimm leiki í röð en eru fimm stigum á eftir nágrönnunum í Inter í baráttunni um sæti í Evrópudeildinni þegar bæði lið eiga fjóra leiki eftir.

Juventus tekur á móti Bologna seinna í dag og þá er stórleikur í kvöld þegar Fiorentina tekur á móti Roma.

Úrslit dagsins:

AC Milan 3-0 Livorno

Atalanta 1-2 Verona

Catania 2-1 Sampdoria

Chievo 0-1 Sassuolo

Genoa 1-2 Cagliari

Lazio 2-3 Torino

Parma 0-2 Inter

Udinese 1-1 Napoli