Mörk kvöldsins í Meistaradeildinni | Myndband

Spænska liðið Barcelona og franska liðið Paris St-Germain komust í kvöld áfram í átta liða úrslitum Meistaradeildarinnar í fótbolta en Manchester City og Bayer Leverkusen eru úr leik.

Dani Alves tryggði Barcelona 2-1 sigur á Manchester City með marki í uppbótartíma en City-menn þurftu að vinna upp tveggja marka forskot Börsunga frá því í fyrri leiknum á Englandi.

City fékk færi til að komast yfir en það tókst ekki og Lionel Messi kom Barcelona í 1-0 á 67. mínútu. Eftir það varð von City-liðsins nánast dáin og ekki batnaði staðan þegar City missti mann af velli á 78. mínútu. Vincent Kompany tókst samt að jafna leikinn. City þurfti hinsvegar tvö mörk í viðbót og það var alltof mikið.

Paris St-Germain var í frábærum málum eftir 4-0 sigur á Bayer Leverkusen í fyrri leiknum í Þýskalandi og lönduðu nokkuð öruggum sigri í kvöld þótt að Sidney Sam hafi komið þýska liðinu yfir í upphafi leiks.  Marquinhos jafnaði metin og Simon Rolfes lét síðan verja frá sér vítaspyrnu. Ezequiel Lavezzi skoraði sigurmark PSG í byrjun seinni hálfleiksins.

Hér fyrir neðan má sjá mörkin úr báðum leikjum kvöldsins en sextán liða úrslit Meistaradeildarinnar halda síðan áfram í næstu viku.

Mörkin úr leik Barcelona og Manchester City. Mörkin úr leik Paris St-Germain og Bayer Leverkusen.