Rory: Ég átti ekki skilið að vinna

Kylfingurinn Rory McIlroy reyndi ekki að draga fjöður yfir að spilamennska hans á lokadegi Honda Classic-mótsins hefði ekki verið nógu góð.

Hann spilaði holurnar átján á 74 höggum og fór í umspil ásamt þrem öðrum. Hann leiddi með tveim höggum fyrir lokadaginn.

"Ég spilaði ekki nógu vel til þess að vinna. Það eru mikil vonbrigði enda var ég í frábærri stöðu til þess að vinna þetta mót," sagði Norður-Írinn svekktur.

Spilamennska hans er þó smám saman að koma til eftir afar magurt gengi á síðasta ári.