Valur vann Hamar og tryggði sér sæti í úrslitakeppninni

Valskonur tryggðu sér í kvöld sæti í úrslitakeppni Dominos-deildar kvenna í körfubolta með stórsigri á Hamri, 88-54, í Vodafone-höllinni.

Hamar sá aldrei til sólar í kvöld en gestirnir skoruðu t.a.m. ekki nema sex stig í fjórða leikhluta. Yfirburðir Vals voru algjörir.

Með sigri hefðu Hamarsstúlkur geta treyst á sjálfa sig í lokaumferðinni en Valur er nú með fjögurra stiga forskot á Hamar í baráttunni um fjórða sætið þegar aðeins ein umferð er eftir af deildarkeppninni.

Anna Alys Martin skoraði 38 stig fyrir Val í kvöld og María Björnsdóttir 16 stig. Marín Laufey Davíðsdóttir skoraði 18 stig fyrir Hamar og tók tíu fráköst.

Þar með er það klárt að deildarmeistarar Snæfells, Haukar, Keflavík og Valur fara í úrslitakeppnina og verður því ekkert að keppa um í lokaumferð deildarinnar.

Öll úrslit kvöldsins má sjá hér að neðan en Keflavík vann KR á heimavelli, Njarðvík vann Grindavík í Suðurnesjaslag í Röstinni og Snæfell burstaði Hauka í Hafnafirði.

Keflavík-KR 64-52 (13-15, 13-18, 22-12, 16-7)

Keflavík: Bryndís Guðmundsdóttir 16/12 fráköst, Sara Rún Hinriksdóttir 15, Diamber Johnson 13/6 fráköst, Bríet Sif Hinriksdóttir 9, Sandra Lind Þrastardóttir 6/5 fráköst, Birna Ingibjörg Valgarðsdóttir 5/8 fráköst.

KR: Ebone Henry 23/9 fráköst, Sara Mjöll Magnúsdóttir 7, Sigrún Sjöfn Ámundadóttir 7/16 fráköst, Rannveig Ólafsdóttir 4, Þorbjörg Andrea Friðriksdóttir 4/5 fráköst, Bergþóra Holton Tómasdóttir 3, Perla Jóhannsdóttir 2, Sólrún Sæmundsdóttir 2.

Grindavík-Njarðvík 67-85 (24-22, 11-25, 21-19, 11-19)

Grindavík: Crystal Smith 15/7 fráköst/8 stolnir, María Ben Erlingsdóttir 15, Pálína Gunnlaugsdóttir 14/6 fráköst, Jeanne Lois Figeroa Sicat 10, Mary Jean Lerry F. Sicat 5, Ingibjörg Jakobsdóttir 4, Guðný Dröfn Guðbjartsdóttir 2, Harpa Rakel Hallgrímsdóttir 2/7 fráköst.

Njarðvík: Nikitta Gartrell 21/9 fráköst/8 stoðsendingar, Andrea Björt Ólafsdóttir 15/7 fráköst, Guðlaug Björt Júlíusdóttir 14/10 fráköst, Ína María Einarsdóttir 11, Salbjörg Sævarsdóttir 6/10 fráköst, Erna Hákonardóttir 6/4 fráköst, Sara Dögg Margeirsdóttir 4, Aníta Carter Kristmundsdóttir 4, Emelía Ósk Grétarsdóttir 2, Heiða B. Valdimarsdóttir 2.

Valur-Hamar 88-54 (21-15, 25-16, 20-17, 22-6)

Valur: Anna Alys Martin 38/5 stoðsendingar, María Björnsdóttir 16/6 stolnir, Guðbjörg Sverrisdóttir 7/9 fráköst/6 stoðsendingar, Ragna Margrét Brynjarsdóttir 6/6 fráköst, Unnur Lára Ásgeirsdóttir 6/4 fráköst, Kristrún Sigurjónsdóttir 5, Hallveig Jónsdóttir 4/4 fráköst/5 stoðsendingar, Þórunn Bjarnadóttir 2, Margrét Ósk Einarsdóttir 2, Ragnheiður Benónísdóttir 2/6 fráköst/3 varin skot.

Hamar: Marín Laufey Davíðsdóttir 18/10 fráköst, Fanney Lind Guðmundsdóttir 15/10 fráköst, Chelsie Alexa Schweers 13/10 fráköst, Kristrún Rut Antonsdóttir 5/4 fráköst/6 stoðsendingar, Hafdís Ellertsdóttir 2, Sóley Guðgeirsdóttir 1.

Haukar-Snæfell 48-89 (8-20, 11-23, 16-31, 13-15)

Haukar: Gunnhildur Gunnarsdóttir 16/5 stolnir, Jóhanna Björk Sveinsdóttir 9/9 fráköst, Margrét Rósa Hálfdanardóttir 8/5 fráköst, Lovísa Björt Henningsdóttir 6, Sylvía Rún Hálfdanardóttir 5, Íris Sverrisdóttir 3/6 fráköst, Inga Rún Svansdóttir 1.

Snæfell: Chynna Unique Brown 18/8 fráköst/7 stolnir, Hildur Björg Kjartansdóttir 17/5 fráköst/3 varin skot, Helga Hjördís Björgvinsdóttir 13/6 fráköst, Hildur Sigurðardóttir 12/14 fráköst/8 stoðsendingar, Guðrún Gróa Þorsteinsdóttir 7/4 fráköst, Alda Leif Jónsdóttir 6, Eva Margrét Kristjánsdóttir 5/4 fráköst, Hugrún Eva Valdimarsdóttir 4/4 fráköst, Rebekka Rán Karlsdóttir 4, Silja Katrín Davíðsdóttir 3.