Roma sló út Birki og félaga

Birkir Bjarnason og félagar í Sampdoria eru úr leik í ítölsku bikarkeppninni eftir 1-0 tap á móti Roma á Stadio Olimpico í Róm í kvöld.

Birkir var í byrjunarliði Sampdoria en var tekinn af velli á 89. mínútu. Grikinn Vasilis Torosidis skoraði eina mark leiksins strax á 6. mínútu.

Það muna tólf sætum og 23 stigum á liðunum í töflunni og það bjuggust því flestir við öruggum sigri Roma í kvöld en Birkir og félagar stóðu í Rómverjum.

Roma tryggði sér þar með sæti í átta liða úrslitum keppninnar þar sem liðið mætir Juventus í sannkölluðu stórleik en þarna eru á ferðinni tvö efstu lið ítölsku deildarinnar.