Hundrað stig hjá Birnu í Höllinni

Keflvíkingurinn Birna Valgarðsdóttir varð um helgina aðeins fimmta konan til þess að spila tíu bikarúrslitaleiki.

Hún fagnaði því með því að vinna bikarinn í fimmta sinn og skora sitt hundraðasta stig í bikarúrslitum í Höllinni.

Birna skoraði hundraðasta stigið sitt í fyrri hálfleiknum þar sem Keflavík lagði grunninn að sigrinum.

Aðeins fjórar konur hafa náð að skora hundrað stig í bikarúrslitaleik en hinar eru Anna María Sveinsdóttir, Björg Hafsteinsdóttir og Linda Jónsdóttir.