Gnarr ársins 2013 Fanney Birna Jónsdóttir skrifar 23. desember 2013 13:15 Mynd/GVA Skemmtikrafturinn og stjórnmálamaðurinn Jón Gnarr mun yfirgefa stjórnmálasviðið í vor þegar hann lætur af embætti borgarstjóra. Jón Gnarr er tvímælalaust einn af mönnum ársins og það vakti gríðarlega athygli þegar hann á hápunkti vinsælda sinna og flokks síns tilkynnti að hann ætlaði ekki að gefa kost á sér í komandi borgarstjórnarkosningum. Þar með var Besti flokkurinn fyrir bí og gekk inn í Bjarta framtíð. Margir gráta Jón Gnarr meðan pólitískir andstæðingar hans fagna því að hann vilji nú snúa sér að öðru. Jón vekur jafnan athygli hvert sem hann kemur og var árið 2013 engin undantekning þar á. Vísir hefur tekið saman hápunkta ársins hjá Jóni Gnarr sem sjá má hér að neðan.Sendi aðdáanda mynd Í febrúar sat borgarstjórinn fyrir svörum á vefsíðunni Reddit, þar sem hann var spurður út í allt og ekkert. Einn spyrjendanna bað Jón að senda sér áritaða mynd, sem hann að sjálfsögðu gerði strax í kjölfarið.„Ég bað Jón Gnarr um áritaða mynd af sér í AMA (innsk: Ask me anything) og hann sendi hana! Reykjavík á STÓRKOSTLEGAN borgarstjóra," skrifaði Bandaríkjamaðurinn í texta við myndir sem hann birti á Reddit.Slíta samstarfi við Moskvu Í júlí lagði staðgengill Jóns fram tillögu fyrir hans hönd á borgarráðsfundi um að endurskoða ætti eða slíta samstarfssamningi Reykjavíkur og Moskvu. Það þýðir að hann lagði til að formleg stjórnmála- og menningartengsl borgarinnar við Moskvu yrðu slitin. Tillagan vakti nokkra athygli en norska ríkisútvarpið, NRK, fjallaði meðal annars um málið. Borgarstjóri vildi að þetta yrði gert í ljósi þeirrar þróunar sem átti sér stað í málefnum samkynhneigðra, tvíkynhneigðra og transfólks í Rússlandi.Jón í peysunum hennar Jóhönnu.Yoko Ono heiðursborgari Í október útnefndi Jón Gnarr listakonuna Yoko Ono sem heiðursborgara Reykjavíkur, en John Lennon eiginmaður hennar hefði orðið 73 ára þann 9. október síðastliðinn. Í tilkynningu sagði að Reykjavíkurborg vildi með heiðursnafnbótinni þakka Yoko Ono fyrir dýrmætt framlag hennar til að vekja athygli á mikilvægi friðar og mannréttinda í heiminum og fyrir að kjósa Reykjavík sem vettvang til að breiða út þann boðskap. Fjórir aðrir hafa hlotið þessa nafnbót áður, þau séra Bjarni Jónsson árið 1961, Kristján Sveinsson augnlæknir árið 1975, Vigdís Finnbogadóttir árið 2010 og Erró árið 2012. Jón og Yoko klæddust bæði forláta prjónapeysum þegar friðarsúlan var tendruð í Viðey í sjötta sinn um kvöldið, sem Jóhanna Friðrikka Sæmundsdóttir leikkona prjónaði á þau. Jóhanna hefur áður prjónað peysur á Jón Gnarr, annars vegar peysu með anarkistamerkinu sem og peysu með sjálfu skjaldarmerki höfuðborgarinnar.Styttan af Ólafi Thors Jón kallaði fram hlátur á borgarstjórnarfundi í október í fjörlegum umræðum um útilistaverk í Reykjavík, þegar hann kynnti kúnstugar hugmyndir sínar um það hvernig mætti lífga upp á borgina og uppfræða í leiðinni almenning, einkum börn, um stjórnmálasögu Íslands. Jón varði í ræðu sinni drjúgum tíma í að fjalla um og mæra Ólaf Thors, fyrrverandi forsætisráðherra, og stakk upp á því að styttan af Ólafi Thors við ráðherrabústaðinn yrði gerð að eins konar farandgrip sem fluttur yrði hverfa á milli, með viðhöfn í hvert skipti, íbúum til yndisauka og uppfræðingar.Jón Gnarr tilkynnti að hann gæfi ekki aftur kost á sér í útvarpsþættinum Tvíhöfði.Fer ekki fram aftur Í lok október tilkynnti Jón það síðan formlega í þættinum Tvíhöfði á Rás 2 með Sigurjóni Kjartanssyni að hann ætlaði ekki fram í næstu kosningum. Þeir félagar snéru aftur með þáttinn til að vekja athygli á átaki Krabbameinsfélagsins, Bleiku slaufunni, og hafði Jón boðað að þar og þá myndi hann segja til um áform sín. Um 5.500 manns höfðu þakkað Jóni fyrir vel unnin störf í stóli borgarstjóra á Facebook-síðunni Takk Jón sem stofnuð var í kjölfar tilkynningarinnar í Tvíhöfða. Post by Jón Gnarr.Nýtt ríkisfang Í nóvember óskaði borgarstjórinn síðan eftir nýju ríkisfangi á Facebook-síðu sinni. Ástæðan var sú að hann fær ekki nafnið Gnarr samþykkt hjá þjóðskrá. „Ég hef ekki efni á því að fara í mál við ríkið. Og ég gæti tapað. En ég gæti flutt til annars lands þar sem nafnið mitt yrði samþykkt og þar af leiðandi yrði það sjálfkrafa samþykkt hér. Ekkert vandamál. Svo hvar get ég fengið ríkisborgararétt? Einhverjar hugmyndir? Ég heiti Jón. Jón Gnarr. Getur einhver hjálpað mér?“Russel Brand og Jón Gnarr.Grínast með Russel Brand Í desember fór Jón á uppistand með grínistanum og leikaranum Russel Brand og tóku þeir fund eftir sýninguna. „Hann var bara hinn hressasti en þeir áttu nánast tveggja tíma spjall um stöðu stjórnmála vítt og breitt,“ sagði Heiða Kristín Helgadóttir, varaformaður þingflokks Besta Flokksins og fyrrum aðstoðarkona borgarstjórans, í samtali við Vísi. Brand gerði til að mynda töluvert grín að Sigmundi Davíð Gunnlaugssyni, forsætisráðherra Íslands, í uppistandi sínu. Fréttir ársins 2013 Mest lesið Greip inn í rán í Krónunni: Gengu út með „kjaftfullar körfur“ Innlent Fréttu af andláti föður síns eftir að hann var jarðsettur Innlent Sagði veikri dóttur sinni að hann vonaði að hún myndi deyja Innlent „Til hamingju með afmælið... og megi allir dagar vera annað dásamlegt leyndarmál“ Erlent Afleiðingarnar velti á Flokki fólksins Innlent Fundu fleiri vopn og handtóku suma á skemmtun á Selfossi Innlent Ógnaði lífi vegfarenda og lögreglu með ofsaakstri í Hafnarfirði Innlent Kannast við tannstönglatrixið: „Nágrannavarsla er albesta vörnin“ Innlent Þjónkun við Trump?: CBS leggur niður Late Show Erlent Kjósendur stjórnarflokkanna „bitrir“ og í basli með sjálfsmyndina Innlent Fleiri fréttir Litlu mátti muna: Glannalegur framúrakstur í Hörgárdal Málsókn Grindvíkinga, heimóttarskapur og heimkoma í beinni Glerflöskur stranglega bannaðar á Þjóðhátíð Dæmdur fyrir að flytja kratom til landsins Fundu fleiri vopn og handtóku suma á skemmtun á Selfossi Fréttu af andláti föður síns eftir að hann var jarðsettur Ógnaði lífi vegfarenda og lögreglu með ofsaakstri í Hafnarfirði Var ekki að láta undan þrýstingi Grindvíkinga Afleiðingarnar velti á Flokki fólksins Kannast við tannstönglatrixið: „Nágrannavarsla er albesta vörnin“ Kjósendur stjórnarflokkanna „bitrir“ og í basli með sjálfsmyndina Búast við gosmóðu fyrir norðan og vestan næstu daga Sinnaskipti lögreglustjórans og Þorgerður ræðir væntanlegan varnarsamning við ESB Greip inn í rán í Krónunni: Gengu út með „kjaftfullar körfur“ Sagði veikri dóttur sinni að hann vonaði að hún myndi deyja Tíðindalítil nótt á gosstöðvunum „Það er bara ömurlegt að fá þessi tíðindi núna“ Skipulögð skref í átt að aðild án umboðs þjóðarinnar Séríslenskt gervi-Oxy í mikilli dreifingu Grindavík opin fyrir almenning á nýjan leik Ferðamenn streyma í Hrísey alla daga vikunnar Tilkynnt um þjófnað í fjórum verslunum Boða tvíhliða varnarsamning við Evrópusambandið Mótmæli, sviknir strandveiðimenn og hættulegar falsaðar töflur Von der Leyen segir aðildarumsókn Íslands enn gilda Þriggja bíla árekstur á Hringbraut Strandveiðum er lokið í sumar Í beinni: Blaðamannafundur Kristrúnar og von der Leyen Atvinnurekendur í Grindavík argir: „Míga inn um bréfalúguna, dingla og spyrja hversu langt þú dreifst“ Gosið lifir enn og mengun norður í landi Sjá meira
Skemmtikrafturinn og stjórnmálamaðurinn Jón Gnarr mun yfirgefa stjórnmálasviðið í vor þegar hann lætur af embætti borgarstjóra. Jón Gnarr er tvímælalaust einn af mönnum ársins og það vakti gríðarlega athygli þegar hann á hápunkti vinsælda sinna og flokks síns tilkynnti að hann ætlaði ekki að gefa kost á sér í komandi borgarstjórnarkosningum. Þar með var Besti flokkurinn fyrir bí og gekk inn í Bjarta framtíð. Margir gráta Jón Gnarr meðan pólitískir andstæðingar hans fagna því að hann vilji nú snúa sér að öðru. Jón vekur jafnan athygli hvert sem hann kemur og var árið 2013 engin undantekning þar á. Vísir hefur tekið saman hápunkta ársins hjá Jóni Gnarr sem sjá má hér að neðan.Sendi aðdáanda mynd Í febrúar sat borgarstjórinn fyrir svörum á vefsíðunni Reddit, þar sem hann var spurður út í allt og ekkert. Einn spyrjendanna bað Jón að senda sér áritaða mynd, sem hann að sjálfsögðu gerði strax í kjölfarið.„Ég bað Jón Gnarr um áritaða mynd af sér í AMA (innsk: Ask me anything) og hann sendi hana! Reykjavík á STÓRKOSTLEGAN borgarstjóra," skrifaði Bandaríkjamaðurinn í texta við myndir sem hann birti á Reddit.Slíta samstarfi við Moskvu Í júlí lagði staðgengill Jóns fram tillögu fyrir hans hönd á borgarráðsfundi um að endurskoða ætti eða slíta samstarfssamningi Reykjavíkur og Moskvu. Það þýðir að hann lagði til að formleg stjórnmála- og menningartengsl borgarinnar við Moskvu yrðu slitin. Tillagan vakti nokkra athygli en norska ríkisútvarpið, NRK, fjallaði meðal annars um málið. Borgarstjóri vildi að þetta yrði gert í ljósi þeirrar þróunar sem átti sér stað í málefnum samkynhneigðra, tvíkynhneigðra og transfólks í Rússlandi.Jón í peysunum hennar Jóhönnu.Yoko Ono heiðursborgari Í október útnefndi Jón Gnarr listakonuna Yoko Ono sem heiðursborgara Reykjavíkur, en John Lennon eiginmaður hennar hefði orðið 73 ára þann 9. október síðastliðinn. Í tilkynningu sagði að Reykjavíkurborg vildi með heiðursnafnbótinni þakka Yoko Ono fyrir dýrmætt framlag hennar til að vekja athygli á mikilvægi friðar og mannréttinda í heiminum og fyrir að kjósa Reykjavík sem vettvang til að breiða út þann boðskap. Fjórir aðrir hafa hlotið þessa nafnbót áður, þau séra Bjarni Jónsson árið 1961, Kristján Sveinsson augnlæknir árið 1975, Vigdís Finnbogadóttir árið 2010 og Erró árið 2012. Jón og Yoko klæddust bæði forláta prjónapeysum þegar friðarsúlan var tendruð í Viðey í sjötta sinn um kvöldið, sem Jóhanna Friðrikka Sæmundsdóttir leikkona prjónaði á þau. Jóhanna hefur áður prjónað peysur á Jón Gnarr, annars vegar peysu með anarkistamerkinu sem og peysu með sjálfu skjaldarmerki höfuðborgarinnar.Styttan af Ólafi Thors Jón kallaði fram hlátur á borgarstjórnarfundi í október í fjörlegum umræðum um útilistaverk í Reykjavík, þegar hann kynnti kúnstugar hugmyndir sínar um það hvernig mætti lífga upp á borgina og uppfræða í leiðinni almenning, einkum börn, um stjórnmálasögu Íslands. Jón varði í ræðu sinni drjúgum tíma í að fjalla um og mæra Ólaf Thors, fyrrverandi forsætisráðherra, og stakk upp á því að styttan af Ólafi Thors við ráðherrabústaðinn yrði gerð að eins konar farandgrip sem fluttur yrði hverfa á milli, með viðhöfn í hvert skipti, íbúum til yndisauka og uppfræðingar.Jón Gnarr tilkynnti að hann gæfi ekki aftur kost á sér í útvarpsþættinum Tvíhöfði.Fer ekki fram aftur Í lok október tilkynnti Jón það síðan formlega í þættinum Tvíhöfði á Rás 2 með Sigurjóni Kjartanssyni að hann ætlaði ekki fram í næstu kosningum. Þeir félagar snéru aftur með þáttinn til að vekja athygli á átaki Krabbameinsfélagsins, Bleiku slaufunni, og hafði Jón boðað að þar og þá myndi hann segja til um áform sín. Um 5.500 manns höfðu þakkað Jóni fyrir vel unnin störf í stóli borgarstjóra á Facebook-síðunni Takk Jón sem stofnuð var í kjölfar tilkynningarinnar í Tvíhöfða. Post by Jón Gnarr.Nýtt ríkisfang Í nóvember óskaði borgarstjórinn síðan eftir nýju ríkisfangi á Facebook-síðu sinni. Ástæðan var sú að hann fær ekki nafnið Gnarr samþykkt hjá þjóðskrá. „Ég hef ekki efni á því að fara í mál við ríkið. Og ég gæti tapað. En ég gæti flutt til annars lands þar sem nafnið mitt yrði samþykkt og þar af leiðandi yrði það sjálfkrafa samþykkt hér. Ekkert vandamál. Svo hvar get ég fengið ríkisborgararétt? Einhverjar hugmyndir? Ég heiti Jón. Jón Gnarr. Getur einhver hjálpað mér?“Russel Brand og Jón Gnarr.Grínast með Russel Brand Í desember fór Jón á uppistand með grínistanum og leikaranum Russel Brand og tóku þeir fund eftir sýninguna. „Hann var bara hinn hressasti en þeir áttu nánast tveggja tíma spjall um stöðu stjórnmála vítt og breitt,“ sagði Heiða Kristín Helgadóttir, varaformaður þingflokks Besta Flokksins og fyrrum aðstoðarkona borgarstjórans, í samtali við Vísi. Brand gerði til að mynda töluvert grín að Sigmundi Davíð Gunnlaugssyni, forsætisráðherra Íslands, í uppistandi sínu.
Fréttir ársins 2013 Mest lesið Greip inn í rán í Krónunni: Gengu út með „kjaftfullar körfur“ Innlent Fréttu af andláti föður síns eftir að hann var jarðsettur Innlent Sagði veikri dóttur sinni að hann vonaði að hún myndi deyja Innlent „Til hamingju með afmælið... og megi allir dagar vera annað dásamlegt leyndarmál“ Erlent Afleiðingarnar velti á Flokki fólksins Innlent Fundu fleiri vopn og handtóku suma á skemmtun á Selfossi Innlent Ógnaði lífi vegfarenda og lögreglu með ofsaakstri í Hafnarfirði Innlent Kannast við tannstönglatrixið: „Nágrannavarsla er albesta vörnin“ Innlent Þjónkun við Trump?: CBS leggur niður Late Show Erlent Kjósendur stjórnarflokkanna „bitrir“ og í basli með sjálfsmyndina Innlent Fleiri fréttir Litlu mátti muna: Glannalegur framúrakstur í Hörgárdal Málsókn Grindvíkinga, heimóttarskapur og heimkoma í beinni Glerflöskur stranglega bannaðar á Þjóðhátíð Dæmdur fyrir að flytja kratom til landsins Fundu fleiri vopn og handtóku suma á skemmtun á Selfossi Fréttu af andláti föður síns eftir að hann var jarðsettur Ógnaði lífi vegfarenda og lögreglu með ofsaakstri í Hafnarfirði Var ekki að láta undan þrýstingi Grindvíkinga Afleiðingarnar velti á Flokki fólksins Kannast við tannstönglatrixið: „Nágrannavarsla er albesta vörnin“ Kjósendur stjórnarflokkanna „bitrir“ og í basli með sjálfsmyndina Búast við gosmóðu fyrir norðan og vestan næstu daga Sinnaskipti lögreglustjórans og Þorgerður ræðir væntanlegan varnarsamning við ESB Greip inn í rán í Krónunni: Gengu út með „kjaftfullar körfur“ Sagði veikri dóttur sinni að hann vonaði að hún myndi deyja Tíðindalítil nótt á gosstöðvunum „Það er bara ömurlegt að fá þessi tíðindi núna“ Skipulögð skref í átt að aðild án umboðs þjóðarinnar Séríslenskt gervi-Oxy í mikilli dreifingu Grindavík opin fyrir almenning á nýjan leik Ferðamenn streyma í Hrísey alla daga vikunnar Tilkynnt um þjófnað í fjórum verslunum Boða tvíhliða varnarsamning við Evrópusambandið Mótmæli, sviknir strandveiðimenn og hættulegar falsaðar töflur Von der Leyen segir aðildarumsókn Íslands enn gilda Þriggja bíla árekstur á Hringbraut Strandveiðum er lokið í sumar Í beinni: Blaðamannafundur Kristrúnar og von der Leyen Atvinnurekendur í Grindavík argir: „Míga inn um bréfalúguna, dingla og spyrja hversu langt þú dreifst“ Gosið lifir enn og mengun norður í landi Sjá meira
Atvinnurekendur í Grindavík argir: „Míga inn um bréfalúguna, dingla og spyrja hversu langt þú dreifst“