Sannleikurinn: Rafmagnið tekið af Reykjavík í kvöld

Reykjavíkurborg hefur ákveðið að taka rafmagnið af á fjórum svæðum í kvöld milli 21:30 og 22.00 til að borgarbúar þurfi nú ekki að fara út fyrir borgarmörkin til að sjá norðurljósin, segir á Facebooksíðu Dags B. Eggertssonar borgarfulltrúa.

Eru þetta svæðin: Grafarholt, Breiðholt, Öskjuhlíð og Skólavörðuholt en Dagur segir óþægindin ekki verða mikil þar sem fjölmargir í Breiðholtinu og Skólavörðuholtinu séu í skuld við Orkuveituna og hafi hvort eð er ekkert rafmagn og svo skiptir Grafarholtið engu máli því þar býr leiðinlegt fólk sem hatar borgarstjórnaflokkana. Þá biður hann hommana í Öskjuhlíðinni að keyra varlega í kvöld því ljósastaurarnir verða óvirkir.

Segir hann þetta gert fyrir þá fjölmörgu borgarbúa sem nenna ekki út fyrir borgarmörkin en vilja engu að síður njóta ljósadýrðarinnar.

Þá hafa símafyrirtækin samþykkt að slökkva á internetaðgangi borgarbúa til að sporna við miklum fjölda hundleiðinlegra norðurljósamynda sem misgóðir sjálflærðir ljósmyndaplebbar hrúga inn á Facebook hjá sér og enginn hefur gaman af.





Sannleikurinn rekur öfluga og óvæga fréttastofu þar sem engum er hlíft og sannleikurinn skiptir ekki höfuðmáli. Sannleikurinn er háður öllum stjórnmálaflokkum og hagsmunaaðilum um fréttaefni sitt. Fréttastofa Sannleikans hefur Facebook-síðu  en slökkt verður á henni í kvöld.