KV upp í 1. deild | Myndir

KV komst í dag upp í 1. deild karla í knattspyrnu er liðið gerði 1-1 jafntefli við Gróttu í hreinum úrslitaleik um sætið.

Gróttumenn urðu að vinna leikinn til þess að fara upp en jafntefli nægði fyrir Knattspyrnufélag Vesturbæjar.

Andri Gíslason skoraði fyrsta mark leiksins á áttundu mínútu þegar Grótta komst yfir en það var Einar Bjarni Ómarsson sem jafnaði metin úr vítaspyrnu á 27. mínútu.

Leiknum lauk því með 1-1 jafntefli og KV upp í 1. deild. Ljósmyndari Vísis Daníel Rúnarsson var á svæðinu og tók þessar frábæru myndir af fagnaðarlátum KV manna.