Napolí með fullt hús stiga eftir sigur á Milan

Napolí gerði góða ferð á Stadio Giuseppe Meazza í Milano í kvöld þegar liðið lagði AC Milan 2-1 í ítölsku A-deildinni í fótbolta í kvöld.

Miguel Angel Britos kom Napolí yfir strax á sjöttu mínútu leiksins og var staðan í hálfleik 1-0.

Gonzalo Higuain bætti öðru marki verið fyrir lærisveina Rafael Benitez á 54. mínútu.

Mario Balotelli klikkaði úr vítaspyrnu í seinni hálfleik en hann náði að lokum að minnka muninn í uppbótartíma en nær komst Milan ekki og fjórði sigur Napolí í deildinni í jafn mörgum leikjum staðreynd. Milan er aðeins með fjögur stig eftir fjórar umferðir.