Emil byrjaði í sigurleik

Emil Hallfreðsson spilaði 54 mínútur í 2-1 sigri Verona gegn Livorno. Emil byrjaði inn á miðri miðjunni og nældi sér í gult spjald áður en honum var skipt útaf.

Þetta var þriðji sigurleikur Verona á tímabilinu en nýliðarnir hafa byrjað tímabilið vel. Verona situr í sjöunda sæti ítölsku úrvalsdeildarinnar eftir leikinn með tíu stig úr sex leikjum.

Þá sigraði Juventus borgarslaginn í Torino með marki frá Paul Pogba, Inter gerði jafntefli á útivelli gegn Cagliari og Lazio náði aðeins jafntefli gegn botnlið Sassulo.

AS Roma tekur að lokum á móti Bologna í lokaleik dagsins og geta með sigri náð toppsætinu aftur. Roma hefur unnið alla fimm leiki sína á þessu tímabili.

Úrslit dagsins í ítalska boltanum:

Torino 0-1 Juventus

Atalanta 2-0 Udinese

Cagliari 1-1 Inter

Catania 2-0 Chievo

Sassuolo 2-2 Lazio

Verona 2-1 Livorno