Hafdís náði ekki Íslandsmetinu

Hafdís Sigurðardóttir náði ekki að bæta Íslandsmetið í 200 m hlaupi á Meistaramótinu á Akureyri eins og hún hafði stefnt að.

Hún sigraði engu að síður örugglega á 24,18 sekúndum en Arna Stefanía Guðmundsdóttir varð önnur á 24,79 sekúndum.

Íslandsmet Guðrúnar Arnardóttir í greininni er 23,81 sekúndur en Hafdís hefur áður komist afar nálægt því að bæta það.

Þetta voru fjórðu gullverðlaun hjá Hafdísi á mótinu um helgina en hún stóð í ströngu í gær þar sem hún vann 100 m hlaup, 400 m hlaup og langstökk auk þess sem hún keppti í 4x100 m boðhlaupi með UFA.

Kristinn Þór Kristinsson bar sigur úr býtum í 800 m hlaupi karla og Ívar Kristinn Jasonarson í 400 m grindahlaupi. Fjóla Signý Hannesdóttir vann í 400 m grindahlaupi kvenna.

Þórdís Eva Steinsdóttir vann í 800 m hlaupi kvenna en Aníta Hinriksdóttir ákvað að keppa ekki í greininni í þetta skiptið.

200 m hlaup:

1. Hafdís Sigurðardóttir, UFA 24,18 sek.

2. Arna Stefanía Guðmundsdóttir, ÍR 24,79

3. Steinunn Erla Davíðsdóttir, UMSE 25,61

400 m grindahlaup karla:

1. Ívar Kristinn Jasonarson, ÍR 56,42 sek.

2. Stefán Þór Stefánsson, ÍR 84,36 sek.

400 m grindahlaup kvenna:

1. Fjóla Signý Hannesdóttir, HSK 61,37 sek.

2. Stefanía Valdimarsdóttir, Breiðabliki 61,44

800 m hlaup karla:

1. Kristinn Þór Kristinsson, HSK 1:53,02 mín.

2. Snorri Stefánsson, ÍR 1:54,38

3. Sæmundur Ólafsson, ÍR 2:00,13

800 m hlaup kvenna:

1. Þórdís Eva Steinsdóttir, FH 2:19,52

2. Stefanía Hákonardóttir, FH 2:20,65

3. María Birkisdóttir, USÚ 2:23,28

3000 m hlaup kvenna:

1. Arndís Ýr Hafþórsdóttir, Fjölni 10:30,26 mín.

2. Fríða Rún Þórðardóttir, ÍR 10:55,25

3. Helga Guðný Elíasdóttir, Fjölni 11:03,87