Strákurinn spilaði of hægt og fékk refsihögg

Hinn fjórtán ára gamli Guan Tianlang hefur vakið mikla athygli á Mastersmótinu en hann er yngsti keppandi sögunnar á þessu fornfræga móti. Kínverski táningurinn kláraði annan hringinn á Masters-mótinu á þremur höggum yfir pari og er nú á fjórum höggum yfir eftir 36 holur.

Guan Tianlang fékk eitt högg í refsingu á 17. holu í dag fyrir að spila of hægt. Þetta refsihögg gæti reynst dýrkeypt því strákurinn er tæpur að ná niðurskurðinum.

Þetta er í fyrsta sinn sem kylfingur hefur fengið svona refsingu á PGA-móti frá árinu 1995 þegar Glen Day fékk eitt högg í refsingu á Honda Classic mótinu.